Грамадства

«А рускіх імёнаў не знайшлося?» Былы футбаліст зборнай Расіі здзівіўся імёнам беларускіх дзяцей

Гледачы з Беларусі абурыліся такой бестактоўнасцю футбаліста Вячаслава Малафеева.

Яўген Апанасевіч і Вольга Кузьміна. Тут і далей скрыншоты відэа «Стаўка на каханне»

На расійскім тэлеканале «Пятніца» ідзе рэаліці-шоу «Стаўка на каханне», дзе зорныя пары праходзяць выпрабаванні на давер, фізічную вынослівасць і веданне адно аднаго.

У апошнім выпуску да праекта далучыліся расійская актрыса Вольга Кузьміна (вядомасць ёй прынесла роля афіцыянткі Насты ў серыяле «Кухня») і яе муж-беларус Яўген Апанасевіч. Ён знакаміты экскурсавод, арганізатар экскурсій і трэвэл-шоу. 

Яўген Апанасевіч і Вольга Кузьміна на шоу «Стаўка на каханне»

Пара пазнаёмілася ў 2021 годзе ў Мінску. Вольга прыехала здымацца ў перадачы «Па сакрэту ўсяму свету. Беларусь», а Яўген суправаджаў здымачную групу як эксперт.

У 2023 годзе пара пабралася шлюбам — для абаіх гэта стаў другі паход у ЗАГС. Таксама абое мелі дзяцей ад мінулых адносін. У Вольгі рос сын Гардзей, у Яўгена — дачка Амелія-Францыска і сын Ян-Тадэвуш. Агульную дачку яны назвалі Міра-Марыя.

Непаразуменне з іншымі ўдзельнікамі шоу «Стаўка на каханне» ўзнікла, якраз калі пара распавядала пра дзяцей. Пачуўшы імёны, былы футбаліст зборнай Расіі Вячаслаў Малафееў не змог стрымацца і грэбліва спытаў: «А рускіх імёнаў не знайшлося, так?» (аднаго з сыноў самога футбаліста завуць Алексам, а трэцюю жонку Ангеліну ён называе Энжы).

Вячаслаў Малафееў

Яўген адрэагаваў маментальна і ўдакладніў, што імёны насамрэч беларускія. Вольга дадала, што за імёны ў іх сям’і адказвае муж (ён каталік).

Гэты эпізод вельмі абурыў гледачоў з Беларусі — імёны дзяцей цалкам натуральныя для нашай краіны: «Імёны беларускія! Мы ўжо і дзяцей мусім называць расійскімі імёнамі?», «Не ведаю, хто такі Малафееў, але што ён мае супраць беларускіх імёнаў, улічваючы, што муж Вольгі — беларус?», «Я з Заходняй Беларусі, палова майго класа з такімі імёнамі. Што не так?», «Гэта беларускія імёны. Дзяцей усё задавальняе, бацькоў таксама. Вас гэта чаму ўсіх турбуе?», «А з якога беларус павінен даваць дзецям рускія імёны?».

Яўген, дарэчы, парадаваў суайчыннікаў тым, што выйшаў у майцы з вялікай «Ў».

Каментары

Цяпер чытаюць

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Усе навіны →
Усе навіны

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае7

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

Міністр абароны Вялікабрытаніі: Пуцін халоднакроўны забойца4

Павел Белавус расказаў, як за кратамі даведаўся пра Нобелеўскую прэмію Бяляцкага

На фронце знайшлі загінулым 25‑гадовага беларуса з пазыўным «Дэкан»6

Расія рэкорднымі тэмпамі прадае золата, а Польшча за апошнія гады купіла яго найбольш за ўсіх у Еўропе10

Заснавальнік партала Realt.by прадае дом за $3 мільёны9

больш чытаных навін
больш лайканых навін

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

У Вільні пакажуць раструшчаны сілавікамі бюст Івана Луцкевіча. Да 120‑годдзя «НН» Беларускі музей адкрывае выставу з унікальнымі экспанатамі

Галоўнае
Усе навіны →

Заўвага:

 

 

 

 

Закрыць Паведаміць