Грамадства1313

«Як жа так, Віка, як жа так». Маладая балерына добраахвотна пайшла з жыцця

Маладая артыстка беларускага балета Вікторыя Бурчак добраахвотна пайшла з жыцця. Сумную навіну ў фэйсбуку напісала журналістка Інэса Плескачэўская.

Вікторыя Бурчак. Фота: сацсеткі

«Як жа так, думаю я, у ёй жа было столькі святла і цяпла! Як жа так, думаю я, зусім нядаўна яна пісала пра тое, што заключыла дамову з выдавецтвам і хутка выйдзе яе кніга «Адэта з кардэбалету», і я віншавала яе з гэтым.

Як жа так, думаю я, усяго, здаецца, пару тыдняў таму мы стаялі за кулісамі, і яна распавядала, што, гастралюючы па Францыі, чытала маю кнігу пра Валянціна Елізарʼева і пазнавала яго і… мяне. Мы смяяліся, абдымаліся, і я думала, што ў яе ўсё жыццё наперадзе і — Божа мой, Божа мой — якім цікавым будзе гэтае жыццё! І ў балеце, і пасля яго.

А зараз нічога не будзе. Ні балета, ні пасля яго. Што павінна было здарыцца, думаю я…

І вось што я хачу сказаць усім, хто трапіў, як ім здаецца, у бязвыхадную сітуацыю. Усё ў жыцці можна выправіць, пакуль мы жывыя. Усё!

Галоўнае — выжыць. У любых абставінах — выжыць!

Я ведаю, пра што кажу. Я — дачка самазабойцы. Майму тату быў 41, а мне 14, калі ён вырашыў сысці. Я цяпер нашмат за яго старэйшая, і не было яшчэ такога дня, каб я яго не ўспомніла.

Усё маё жыццё склалася б інакш, калі б тата абраў жыццё. Сваё і маё.

Але людзей, якія рашаюцца на гэта, насамрэч не так мала. Двое маіх аднакласнікаў выйшлі з акна. Мая стрыечная сястра… Мама геніяльнага Міхаіла Барышнікава. І тата, з якім у мяне адзін твар.

Я сяджу, аглушаная гэтай навіной, раву і думаю: як жа так, Віка, як жа так».

***

Калі ў вас узніклі праблемы псіхалагічнага характару, крызісныя сітуацыі, то вы можаце звярнуцца ў службу экстраннай псіхалагічнай дапамогі па наступных тэлефонах: 

тэлефон даверу для дарослых — +375 (17) 352-44-44, +375 (17) 304-43-70,

тэлефон даверу для дзяцей, падлеткаў і іх бацькоў — +375 (17) 263-03-03,

тэлефон даверу Рэспубліканская «Дзіцячая тэлефонная лінія» — 8 801 100 1611.

Усе тэлефоны, згодна з данымі Мінздароўя, працуюць кругласутачна.

Каментары13

  • Улад
    04.09.2023
    Навіна сумная. Артыкул ... харошы (не буду пісаць "добры").
    Спачуванні.
  • Žvir
    04.09.2023
    Biazlitasny śviet, asataniely. Liudzi nie vytrymlivajuć.
  • Анж
    04.09.2023
    Гэта неверагодна цяжка, цяжка для родных і сяброў але асуджаць нельга. Пра гэта часам думае кожны.

Цяпер чытаюць

Памятаеце старшыню Геральдычнай рады, якая распрацоўвала дызайн пашпарта «Новай Беларусі»? Мікіта Забуга пайшоў ваяваць12

Памятаеце старшыню Геральдычнай рады, якая распрацоўвала дызайн пашпарта «Новай Беларусі»? Мікіта Забуга пайшоў ваяваць

Усе навіны →
Усе навіны

Беларуска зняла ў Мінску кватэру на суткі і была шакаваная ўмовамі пражывання

17-гадовы Адам Кадыраў стаў куратарам МУС па Чачні4

«Ты разумееш, з кім размаўляеш? Яна каралева Маямі». Сабаленку паспрабавалі выгнаць з рэстарана ў Маямі13

Зноў арыштавалі злодзея ў законе Паштэта — узяўся за старое і падманваў пенсіянераў8

Што вядома пра дачку і зяця новага прэм'ера Турчына18

Амерыканец, якога знайшлі ў таварным вагоне ў Маладзечне, двойчы спрабаваў трапіць у Беларусь афіцыйна. Яго дэпартуюць4

ГУБАЗіК пацвердзіў інфармацыю, якую Супольнасць чыгуначнікаў паведамляла паўгода таму1

«Хаджу прыкладна 13-14 кіламетраў штодзень». Дзікавіцкі расказаў, як схуднеў на 35 кілаграмаў10

Амерыканец, затрыманы на чыгунцы пад Маладзечнам, ніяк не звязаны з катастрофай на палігоне2

больш чытаных навін
больш лайканых навін

Памятаеце старшыню Геральдычнай рады, якая распрацоўвала дызайн пашпарта «Новай Беларусі»? Мікіта Забуга пайшоў ваяваць12

Памятаеце старшыню Геральдычнай рады, якая распрацоўвала дызайн пашпарта «Новай Беларусі»? Мікіта Забуга пайшоў ваяваць

Галоўнае
Усе навіны →

Заўвага:

 

 

 

 

Закрыць Паведаміць