Грамадства1212

Фізічным асобам забараняюць мець дроны, арганізацыям і ІП — абмяжоўваюць

Аляксандр Лукашэнка 25 верасня падпісаў указ №297 «Аб дзяржаўным уліку і эксплуатацыі грамадзянскіх беспілотных лятальных апаратаў». Ён прадугледжвае забарону для фізічных асоб на ўвоз, захоўванне, абарот, эксплуатацыю і выраб беспілотнікаў.

Здымак ілюстрацыйны. Фота: Bigc Studio / vecteezy.com

Указам прадугледжана, што ўвоз на тэрыторыю Беларусі, захоўванне, абарот, эксплуатацыя і выраб грамадзянскіх БЛА дазволеныя толькі арганізацыям і індывідуальным прадпрымальнікам «для ажыццяўлення іх прадпрымальніцкай і прафесійнай дзейнасці з захаваннем патрабаванняў, устаноўленых гэтым указам».

Для гэтага арганізацыям і прадпрымальнікам неабходна атрымаць адпаведны дазвол у Дэпартаменце авіяцыі Міністэрства транспарту і камунікацый.

Міністэрства будзе арганізоўваць улік такіх беспілотнікаў. Для гэтага прадугледжана стварэнне аўтаматызаванай інфармацыйнай сістэмы дзяржаўнага ўліку грамадзянскіх БЛА, якія належаць юрыдычным асобам і (або) ІП.

Фізічным асобам увоз на тэрыторыю Беларусі, захоўванне, абарот, эксплуатацыя і выраб грамадзянскіх БЛА забараняецца.

У частцы ўвозу, эксплуатацыі і вырабу БЛА фізічнымі асобамі ўказ уступае ў сілу пасля яго афіцыйнага апублікавання, а ў частцы захоўвання і абароту — праз шэсць месяцаў.

На працягу шасці месяцаў з моманту афіцыйнага апублікавання ўказа фізічныя асобы могуць свае дроны прадаць арганізацыям або індывідуальным прадпрымальнікам ці перадаць іх на захоўванне ва «ўпаўнаважаную арганізацыю, вызначаную ўрадам».

Нагадаем, што сёлета з 4 чэрвеня правілы карыстання дронамі ўжо рабілі больш строгімі. Паводле іх, беспілотнікі трэба было рэгістраваць і ўзгадняць іх палёты.

БПЛА сталі важным элементам вайны ва Украіне, непасрэдным удзельнікам якой стала Беларусь. У 2023 годзе менавіта беспілотнік пашкодзіў звышкаштоўны расійскі самалёт А-50 у Мачулішчах.

Каментары12

  • Аноним из Минска
    25.09.2023
    Беспилотники - очэнь страшнае аружые, летают туда-сюда, видите как сегодня бамбят Расию? Тяжэлейшый вопрос! Коля аднажды запустил его над рэзиденцыей, страшна сказаць, што тагда са мной прэключылась, кагда я это над галавой увидел, пачти што дабежал..
  • Anatol Starkou
    25.09.2023
    Ціха не падказывай, Бчб даўно дазволілі мець розум, нават у Канстутуцыи-1994 пра яго прапісалі, а толку ніякага. Таму зараз ізноў прапішуць бчб мець бчб розум толькі ў Канстытуцыі-3094. Верым- Можам-Пераможам!
  • Паехаўшы
    25.09.2023
    Ціха не падказывай, здаецца розум даўно пад забаронай

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

У Варшаве ў кватэру беларускі ўварваўся ўкраінец, паваліў на падлогу і забраў дарагую сумачку9

Намеснік кіраўніка Пентагона раскрытыкаваў удары Украіны па Расіі і датэрмінова пакінуў «Рамштайн»17

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма11

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?12

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць