Кадыраў падтрымаў Палесціну і прапанаваў свае войскі ў якасці міратворчых
Кіраўнік Чачні Рамзан Кадыраў выпусціў відэазварот, у якім падтрымаў Палесціну і звярнуўся да сусветнай супольнасці.
«Звяртаюся да сусветнай супольнасці, каб яна хоць адзін раз аднагалосна прыняла справядлівае рашэнне наконт сітуацыі ў Палесціне. Звяртаюся да лідараў мусульманскіх краін — стварыце кааліцыю і заклічце тых, каго вы называеце сябрамі, Еўропу і ўвесь Захад, каб яны не бамбілі мірных грамадзян пад выглядам знішчэння баевікоў», — сказаў ён.
Таксама Кадыраў безумоўна падтрымаў Палесціну.
«Мы падтрымліваем Палесціну. І мы супраць гэтай вайны, якая, у адрозненне ад іншых канфліктаў, можа перарасці ў нешта большае», — сказаў ён.
Ён адзначыў, што ў выпадку неабходнасці гатовы адправіць туды войска.
«Нашы падраздзяленні гатовыя выступіць у якасці міратворчых сіл для навядзення парадку і процідзеяння любым парушальнікам», — сказаў ён. Каго менавіта мае на ўвазе, ён не патлумачыў.
Кадыраў пацвердзіў, што ў мячэць імя Ахмата Кадырава трапіла ракета. Ён не ўдакладняў, чыя гэта была ракета, але папрасіў яе, як і мячэць Аль-Акса, не чапаць.
Цяпер чытаюць
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу1
«Я зарабляла на OnlyFans $2000‑3000 на месяц». Беларуска расказала, як стала здымаць кантэнт для дарослых і чаму па-ранейшаму жыве без сэксу
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку4747
Каментары