Kadyraŭ padtrymaŭ Paleścinu i prapanavaŭ svaje vojski ŭ jakaści miratvorčych
Kiraŭnik Čačni Ramzan Kadyraŭ vypuściŭ videazvarot, u jakim padtrymaŭ Paleścinu i źviarnuŭsia da suśvietnaj supolnaści.
«Źviartajusia da suśvietnaj supolnaści, kab jana choć adzin raz adnahałosna pryniała spraviadlivaje rašeńnie nakont situacyi ŭ Paleścinie. Źviartajusia da lidaraŭ musulmanskich krain — stvarycie kaalicyju i zakličcie tych, kaho vy nazyvajecie siabrami, Jeŭropu i ŭvieś Zachad, kab jany nie bambili mirnych hramadzian pad vyhladam źniščeńnia bajevikoŭ», — skazaŭ jon.
Taksama Kadyraŭ biezumoŭna padtrymaŭ Paleścinu.
«My padtrymlivajem Paleścinu. I my suprać hetaj vajny, jakaja, u adroźnieńnie ad inšych kanfliktaŭ, moža pieraraści ŭ niešta bolšaje», — skazaŭ jon.
Jon adznačyŭ, što ŭ vypadku nieabchodnaści hatovy adpravić tudy vojska.
«Našy padraździaleńni hatovyja vystupić u jakaści miratvorčych sił dla naviadzieńnia paradku i procidziejańnia lubym parušalnikam», — skazaŭ jon. Kaho mienavita maje na ŭvazie, jon nie patłumačyŭ.
Kadyraŭ paćvierdziŭ, što ŭ miačeć imia Achmata Kadyrava trapiła rakieta. Jon nie ŭdakładniaŭ, čyja heta była rakieta, ale paprasiŭ jaje, jak i miačeć Al-Aksa, nie čapać.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia77
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1313
Kamientary