Выйшаў рэйтынг краін з падаткаабкладаннем «як у пекле». Беларусь заняла там першае месца
Амерыкана-аргенцінскі даследчы праект The 1841 Foundation апублікаваў спіс краін з самымі дрэннымі сістэмамі падаткаабкладання. Аналіз грунтуецца на даных Сусветнага банка і Міжнароднага валютнага фонду.
У новым рэйтынгу ад праекта The 1841 Foundation, які ладзіўся даследчыкамі з ЗША і Аргенціны, разглядаліся падатковыя сістэмы 82 краін (без уліку Афрыкі, Азіі і Аўстраліі).
За аснову браліся даныя аб колькасных (падатковы і даўгавы ціск) і якасных (узровень карупцыі) фінансавых паказчыках краін за 2021 год ад Сусветнага банка і Міжнароднага валютнага фонду. Таксама ўлічваліся ўзроўні інфляцыі, дзярждоўгу, вяршэнства права, галоснасці, палітычнай стабільнасці і г.д.
Сам рэйтынг атрымаў назву «Падатковае пекла — 2023» (Tax Hell Index 2023), і ў выніку першае месца антырэйтынга па падаткаабкладанні сярод усіх разгледжаных краін заняла Беларусь.
«Першае месца ў антырэйтынгу па падаткаабкладанні заняла Беларусь, адна з самых бедных краін Еўропы па агульным узроўні дабрабыту. Аналіз паказаў значнае пагаршэнне якасці эканамічнага дзяржаўнага кіравання, услед за якім ідзе павелічэнне фіскальнага ціску на насельніцтва.
Відавочна, што Беларусь ставіць прывілеі і інтарэсы свайго кіраўніка вышэй за індывідуальныя правы сваіх грамадзян», — напісана ў справаздачы даследчага праекта The 1841 Foundation.
Следам за Беларуссю ў топ-3 ідуць Венесуэла і Аргенціна. Расія заняла дзявятае месца. Усяго ж намінацыю «Падатковае пекла» заваявалі 13 краін.
Даследчыкі адзначаюць, што топ-3 антырэкардсменаў з моманту леташняга рэйтынга не памяняўся ўвогуле. Беларусь гэтак жа займала першае месца.
Наколькі рэалістычны прагноз развіцця эканомікі на наступны год
Багатыя таксама плачуць. У Беларусі хочуць увесці падатак на звышпрыбыткі і дарагія аўто
Цяпер чытаюць
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава6
Ад сачэння за топ-менеджарамі да пікантных драм ХІХ стагоддзя. Як працуе дэтэктыўнае агенцтва «Рэкс» Аляксандра Азарава
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4444
Каментары
1) ставки налогов. В этом вопросе в Беларуси они сопаставими с европейскими
2) налогоблагаемая база, вот тут вопросы. В Беларуси затраты приходится доказывать каждый пункт с кучей доказательств. Причем платить за эти доказательства (например нормы списания).
3) изменения налогового законодательства. В Беларуси задним числом и за 5 лет. Это трэш. Т.н. дробление бизнеса
4) решение вопроса о погашения задолженности. В Беларуси, если дело на контроле ДФР , то как правило наручники и СИЗО. В последнее время с арестом имущества стали вдумчивее. Хоть реализовать можно для погашения. А не изъятие как раньше.
Если из этих критериев рейтинг, то тогда первое место замлужено