«Беларуськалій» хоча адсудзіць у Літвы мільярд даляраў за забарону перавозкі калійных угнаенняў
Як паведамляе тэлеканал tv3, «Беларуськалій» пачаў інвестыцыйны арбітражны працэс супраць Літвы і патрабуе кампенсацыі страт на суму каля 1 млрд еўра без уліку працэнтаў і судовых выдаткаў, звярнуў увагу праект «Мотолько Помогі».
У Мінтрансе Літвы журналістам пацвердзілі, што працэс пачаўся, але ад далейшых каментароў устрымаліся.
«Так, пацвярджаем. Каб не нашкодзіць хадзе працэсу і пазіцыі Літоўскай Рэспублікі, мы не можам на гэтым этапе даваць якія-небудзь далейшыя каментары», — паведамілі ў ведамстве.
«Беларуськалій» лічыць, што Літва, прызнаўшы несапраўднай дамову на перавозку грузаў паміж Lietuvos geležinkėliai («Літоўскай чыгункай») і «Беларуськаліем», што пацягнула забарону на перавозку грузаў праз Літву і ў Клайпедскі порт, тым самым парушыла дамову ад 1999 года аб абароне інвестыцый і нанесла кампаніі шкоду.
Літоўскі ўрад прыняў рашэнне разарваць кантракт па перавозцы калійных угнаенняў з «Беларуськаліем» у пачатку 2022 года. Рашэнне ўступіла ў сілу 1 лютага 2022-га.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»23
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары