Як кавун стаў сімвалам салідарнасці з палесцінцамі ва ўсім свеце. Уся справа ў колерах
Кавун у якасці палесцінскага сімвала — з'ява зусім не новая. Упершыню кавуновыя пратэсты з'явіліся пасля вайны 1967 года, калі Ізраіль узяў пад кантроль Заходні бераг і сектар Газа.
З пачатку цяперашняй вайны Ізраіля супраць ХАМАС выява кавуна стала сімвалам пратэстаў у падтрымку палесцінцаў па ўсім свеце, піша Бі-бі-сі.
Кавун у якасці палесцінскага сімвала — з'ява зусім не новая. Упершыню кавуновыя пратэсты з'явіліся пасля вайны 1967 года, калі Ізраіль узяў пад кантроль Заходні бераг і сектар Газа.
Тады ізраільскія ўлады забаранілі палесцінскі сцяг на гэтых тэрыторыях, зрабіўшы яго публічную дэманстрацыю крымінальна каранай.
Каб абыйсці забарону, палесцінцы сталі выкарыстоўваць кавун, бо ў разрэзаным кавуне ёсць усе колеры палесцінскага сцяга — чырвоны, чорны, белы і зялёны.
Ізраіль зняў забарону на выкарыстанне палесцінскага сцяга ў 1993 годзе ў рамках пагадненняў у Осла, і сцяг стаў сімвалам Палесцінскай аўтаноміі, якой перадавалася кіраванне сектарам Газа і Заходнім берагам.
«У сектары Газа, дзе калісьці затрымлівалі маладых людзей за тое, што яны неслі нарэзаныя кавуны — тым самым дэманструючы чырвоны, чорны і зялёны палесцінскія колеры, — салдаты безуважна назіраюць за працэсіяй, якая ідзе пад некалі забароненым сцягам», — распавядаў рэпарцёр New York Times Джон Кіфнер пасля падпісання пагадненняў у Осла.
Пасля гэтых падзей мастакі па ўсім свеце працягнулі ствараць кавуновыя арт-аб'екты ў падтрымку палесцінцаў. Адна з самых вядомых работ належыць Халед Хурані: у 2007 годзе ён намаляваў кавун для кнігі пад назвай «Суб'ектыўны атлас Палесціны».
Выява, якая атрымала назву «гісторыя кавуна», аб'ездзіла ўвесь свет, стаўшы шырока вядомай падчас канфлікту паміж Ізраілем і ХАМАС у маі 2021 года.
Сучаснае выкарыстанне кавуна
У студзені гэтага года міністр нацыянальнай бяспекі Ізраіля Ітамар Бэн Гвір аддаў распараджэнне паліцыі прыбраць палесцінскія сцягі з грамадскіх месцаў, заявіўшы, што размахванне гэтымі сцягамі служыць актам падтрымкі тэрарызму.
У адказ на гэта на маршах ізраільскай апазіцыі зноў з'явіліся выявы кавуноў.
У рамках ізраільскага заканадаўства палесцінскія сцягі не лічацца забароненымі, аднак паліцыя і салдаты маюць права здымаць іх у тых выпадках, калі існуе пагроза грамадскаму парадку.
У ліпені на акцыі пратэсту ў Ерусаліме дэманстранты трымалі ў руках плакаты з выявай кавуна і словам «Свабода».
Цяпер чытаюць
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці47
Калеснікава: «Мяне шакуе маштаб нянавісці і агрэсіі». Марыя патлумачыла, што для яе значыць вяртанне да нармальнасці
«Усведамляю, што магу стаць першай беларускай, якая наведае ўсе краіны свету». Падарожніца з Мінска размаўляе на 8 мовах і марыць пражыць 200 гадоў1010
Каментары