Адзінаццацікласніка сельскай школы Добрушскага раёна арыштавалі проста падчас агульнага сходу бацькоў, вучняў і настаўнікаў
У адной з сельскіх школ Добрушчыны сабралі на прафілактычную гутарку з сілавікамі навучэнцаў, настаўнікаў і бацькоў, і проста падчас сходу сілавікі затрымалі 11-класніка, заўважыў канал «МотолькоПомоги».
«У зале — яблыку няма дзе ўпасці: старшакласнікі, бацькі, настаўнікі. Запрошаныя на прафілактычную гутарку з праваахоўнікамі сталі сведкамі аднаго эпізоду працэсу расследавання і пакарання вінаватага ў шматлікіх злачынствах», піша раёнка.
Хлопца абвінавацілі ў збіцці іншых вучняў. На яго нібыта завялі 4 крымінальныя справы, а пракурор Павел Чырыкаў, які прысутнічае ў зале пры затрыманні, сказаў, што «спадзяецца, што ўбачанае зрабіла на школьнікаў уражанне».
«Павольна ў залу ўваходзіць канвойная група. На запясцях падлетка зашчоўкваюцца кайданкі. Ні яго слёзы, ні істэрыка маці нічога змяніць ужо не могуць», — піша раёнка.
Хлопца пасадзілі ў следчы ізалятар яшчэ да заканчэння папярэдняга расследавання.
-
«У калоніі цанілі перадачы прапагандысткі Скабеевай». Былы палітвязень Яўген Меркіс расказаў, як выжываў за кратамі
-
Беларуска атрымала польскую візу, але не пачала па ёй ездзіць да закрыцця мяжы. Ці пусцяць яе цяпер у ЕС?
-
17-гадовая беларуска, затрыманая за запуск дрона ў Варшаве, прыехала ў Польшчу ўсяго некалькі дзён таму
Да «Дня народнага адзінства» памілавалі 25 чалавек4
Каментары