Лукашэнка назваў Жазэпа Барэля дурнем, які не мае дачынення да палітыкі
Аляксандра Лукашэнку ў Санкт-Пецярбургу папрасілі пракаментаваць словы вярхоўнага прадстаўніка Еўрапейскага саюза па замежных справах і палітыцы бяспекі Жазэпа Барэля.
«Разганяецца ўжо тэма, што Барэль гаварыў у Еўрасаюзе, што Расія ледзь не збіраецца напасці на НАТА. Гэта значыць, цяпер з Украінай разбяромся…» — звярнуўся да Лукашэнкі карэспанднт.
«Гэта дурасць. Гэта чалавек дурны проста. Ён да палітыкі не мае ніякага дачынення.
Калі б ён разумны быў, ён падумаў бы так, па-гаспадарску: нам з Расіяй дай бог з гэтымі праблемамі разабрацца. Мы што, на гэтыя праблемы наслойваць будзем новыя? Любы чалавек так падумаў бы», — адказаў Аляксандр Лукашэнка.
Жазэп Барэль у інтэрвʼю The Guardian заявіў, што Пуцін вырашыў весці вайну да поўнай перамогі і што ва Украіне на кон пастаўлена існаванне Еўрасаюза.
Лукашэнка не аднойчы абражаў публічных асоб. У сакавіку 2023 года прэзідэнта Украіны ён назваў гнідаю.
Цяпер чытаюць
Памілаваныя 15 чалавек, сярод якіх 13 палітвязняў2
Каментары
"Галантерейщик и Кардинал - это Сила!" (С).