28 снежня ў Гомелі прайшла нарада абласных чыноўнікаў, на якой, сярод іншага, абмяркоўвалі фармаванне сямейных каштоўнасцяў і тое, як прымусіць моладзь нараджаць шмат і як мага раней.
У рэгіёне зніжаецца колькасць шлюбаў. У 2019 годзе іх было 9145, то летась — 8321. Колькасць разводаў застаецца стабільнай — каля 5000 штогод. Адпаведна падае нараджальнасць, узрост мацярынства расце і мяняюцца рэпрадукцыйныя ўстаноўкі, адзначаюць чыноўнікі.
Каб вырашыць праблему, лукашэнкаўцы збіраюцца праводзіць маштабную працу, пачынаючы з дзіцячых садкоў.
«Уключацца мусяць не толькі адукацыя, ідэалогія, БРСМ, але і палітычныя партыі, грамадскія арганізацыі, СМІ. І тыя ж кіраўнікі прадпрыемстваў, якім трэба падаваць прыклад і заахвочваць любымі спосабамі жаданне ствараць нармальныя, здаровыя сем'і і нараджаць дзяцей», — цытуе нараду «Гомельская праўда».
Чыноўнікі збіраюцца дзейнічаць радыкальна. Дзейнічаць, на іх меркаванне, трэба тут і цяпер. І ўсяляк змагацца з рухам «чайлдфры» і з «пажыць для сябе».
Наяўнасць сям'і дзяржпрэса параўноўвае са службай у арміі для мужчын. І гэта нібыта характарызуе сапраўдных патрыётаў сваёй краіны.
Ці можа прапаганда ЛГБТ паўплываць на сэксуальную арыентацыю? Вось што кажа псіхасэксолаг
«Наталля Іванаўна, калі трэба сабраць подпісы, мы збяром». Улады нагнятаюць гамафобную істэрыю
Хто вінаваты, што беларусы не хочуць нараджаць дзяцей?
«Чыноўнікі ў імпатэнты б запісалі». Гісторыі тых, хто вырашыў не заводзіць дзяцей
Цяпер чытаюць
«Нечым трэба заўсёды ахвяраваць. Мне прыйшлося ахвяраваць сям'ёй»: сын Іны Афанасьевай пра павароты лёсу7
Каментары