У Гомелі брат скраў у сястры 12 тысяч еўра і патраціў на прастытутак і казіно
А схавацца думаў у манастыры.
Мужчына вярнуўся ў родны Гомель з Расіі. Тут ад бацькоў засталася кватэра, але ў ёй ужо пражывалі сястра з сям'ёй.
Некаторы час мужчына дзяліў жылплошчу са сваякамі. А потым раптам знік. Аказалася, што разам з ім зніклі 12 тысяч еўра сястры, якія яна адклала на куплю кватэры, піша belkagomel.by.
Брат буйной сумай распарадзіўся ў рэкордныя тэрміны. Абмяняўшы грошы, некалькі гадзін п'янстваваў у горадзе, потым перабраўся ў сталіцу.
Там пасутачна здымаў шыкоўныя кватэры, спускаў грошы ў гульнявых установах і карыстаўся паслугамі прастытутак.
Разгульнае жыццё скончылася праз тыдзень разам са скрадзенымі грашыма. Пасля чаго мужчыну давялося выехаць са сталічных апартаментаў.
Схавацца ад адказнасці ён паспрабаваў у манастыры, дзе алкаголікам дапамагаюць змагацца з залежнасцю. Але там яго і затрымалі.
Былі заведзеныя адразу дзве крымінальныя справы: за крадзеж у асабліва буйным памеры і за нявыплату аліментаў. Мужчына шмат гадоў ухіляўся ад іх выплаты двум дзецям, якія жывуць з былой жонкай у Расіі. Сума запазычанасці склала каля 5 тысяч рублёў.
Суд Чыгуначнага раёна вынес абвінаваўчы прысуд. З улікам раскаяння далі тры гады калоніі ўзмоцненага рэжыму і штраф 2 тысяч рублёў.
Між іншым, пацярпелая сама папрасіла суд аб спагадзе, бо ўсю скрадзеную шалапутным братам суму ёй ужо выплацілі сваякі.
«Але злачынства належыць да катэгорыі цяжкіх, таму адказваць давядзецца», — распавяла старшая памочніца пракурора Гомеля Марыя Пушкар.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў3
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары