U Homieli brat skraŭ u siastry 12 tysiač jeŭra i patraciŭ na prastytutak i kazino
A schavacca dumaŭ u manastyry.
Mužčyna viarnuŭsia ŭ rodny Homiel z Rasii. Tut ad baćkoŭ zastałasia kvatera, ale ŭ joj užo pražyvali siastra ź siamjoj.
Niekatory čas mužčyna dzialiŭ žyłpłošču sa svajakami. A potym raptam źnik. Akazałasia, što razam ź im źnikli 12 tysiač jeŭra siastry, jakija jana adkłała na kuplu kvatery, piša belkagomel.by.
Brat bujnoj sumaj rasparadziŭsia ŭ rekordnyja terminy. Abmianiaŭšy hrošy, niekalki hadzin pjanstvavaŭ u horadzie, potym pierabraŭsia ŭ stalicu.
Tam pasutačna zdymaŭ šykoŭnyja kvatery, spuskaŭ hrošy ŭ hulniavych ustanovach i karystaŭsia pasłuhami prastytutak.
Razhulnaje žyćcio skončyłasia praz tydzień razam sa skradzienymi hrašyma. Paśla čaho mužčynu daviałosia vyjechać sa staličnych apartamientaŭ.
Schavacca ad adkaznaści jon pasprabavaŭ u manastyry, dzie ałkaholikam dapamahajuć zmahacca z zaležnaściu. Ale tam jaho i zatrymali.
Byli zaviedzienyja adrazu dźvie kryminalnyja spravy: za kradziež u asabliva bujnym pamiery i za niavypłatu alimientaŭ. Mužčyna šmat hadoŭ uchilaŭsia ad ich vypłaty dvum dzieciam, jakija žyvuć z byłoj žonkaj u Rasii. Suma zapazyčanaści skłała kala 5 tysiač rubloŭ.
Sud Čyhunačnaha rajona vynies abvinavaŭčy prysud. Z ulikam raskajańnia dali try hady kałonii ŭzmocnienaha režymu i štraf 2 tysiač rubloŭ.
Miž inšym, paciarpiełaja sama paprasiła sud ab spahadzie, bo ŭsiu skradzienuju šałaputnym bratam sumu joj užo vypłacili svajaki.
«Ale złačynstva naležyć da katehoryi ciažkich, tamu adkazvać daviadziecca», — raspaviała staršaja pamočnica prakurora Homiela Maryja Puškar.
-
Mužčyna kupiŭ pravy ŭ internecie i praz 10 hadoŭ pryjšoŭ mianiać ich u DAI
-
DAI skazała, što rabić z avaryjami, jakija ŭsio čaściej učyniajuć kiroŭcy starejšyja za 70 hadoŭ
-
U Minsku mužčyna padyšoŭ da aŭtamabila, kab padkazać, što ŭklučana dalokaje śviatło. Jamu zalili tvar piarcovym bałončykam VIDEA
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary