Амаль дзве гадзіны ішоў пешшу ў завіруху. АНТ паехаў разбірацца з выпадкам у Полацку, калі кандуктарка высадзіла хлопчыка з аўтобуса
Гісторыя полацкага школьніка Яраслава, якога кандуктарка ў завіруху высадзіла з аўтобуса, абурыла беларусаў. Хлопчык згубіў школьную даведку, якая дазваляе ездзіць у грамадскім транспарце бясплатна, а картка навучэнца не спрацавала. Дзіцяці прыйшлося амаль шэсць кіламетраў ісці да дому. Патэлефанаваць бацькам ён таксама не змог, тэлефон разрадзіўся. Маці хлопчыка запісала эмацыйнае відэа ў тыктоку, пасля чаго да яе прыехаў дзяржаўны канал АНТ.
Рэзанансная гісторыя адбылася 12 студзеня. Дахаты Яраславу трэба было дабірацца з перасадкай. У першым аўтобусе ўсё прайшло добра, а ў другім узніклі праблемы. Даведка, па якой ён яшчэ ранкам ехаў у школу, згубілася.
— Мне сказалі, альбо плаці альбо выходзь, — кажа Яраслаў.
Хлопчык паспрабаваў купіць білет, але картка не спрацавала.
— У выніку я вырашыў выйсці, — кажа дзіця.
На наступным прыпынку ён паспрабаваў сесці ў маршрутку. Але карткі там не прымалі, таму прыйшлося прадоўжыць шлях.
Карэспандэнт АНТ пешшу прайшоў шлях Яраслава — аказалася, ісці трэба шэсць кіламетраў — дом школьніка знаходзіцца на ўскрайку Полацка. Ідучы ўздоўж ажыўленай дарогі, праз сумёты і буйную транспартную развязку, Яраслаў патраціў гадзіну і 40 хвілін. Па словах таты школьніка, Яраслаў прыйшоў дадому азяблы, напалоханы і з мокрымі наскрозь чаравікамі.
Кандуктарка аўтапарка №2 Вольга Мельнічук, якая ў той дзень высадзіла Яраслава, сітуацыю нават не ўзгадала. Яна сама маці чатырох дзяцей.
— Была дзяжурная фраза, што карта несапраўдная, патрэбная даведка і што ў школах павінны былі растлумачыць, што гэтыя карткі не працуюць у аўтобусе. Ну і ўсё, — кажа Мельнічук.
Тое, што яна высадзіла хлопчыка, відавочна школьнага ўзросту, з аўтобуса, яна не ўзгадала, і яе карэспанэнт пра гэта не спытаў.
Начальніца ж аддзела аўтобусных перавозак аўтапарка № 2 Полацка Тамара Скараходава сцвярджае, што кандуктары праінструктаваны наконт пасажыраў-дзяцей.
— Кандуктары праінструктаваныя, што якія б ні былі сітуацыі, дзяцей не высаджваць, — кажа яна.
Паводле сюжэта, віцебскія дэпутаты яшчэ летась падтрымалі ініцыятыву ўпраўлення адукацыі Віцебскай вобласці, каб бясплатны праезд школьніку гарантавала і картка навучэнца.
І рашэнне нібыта набыло моц 13 студзеня — якраз на наступны дзень пасля выпадку з Яраславам.
У Полацку кандуктарка высадзіла пяцікласніка з аўтобуса — дзіцяці прыйшлося ісці 5 кіламетраў у завіруху
У Жодзіне дзверы аўтобуса заціснулі футра пенсіянеркі, яна загінула
Маршрутчыкі просяць дазволіць вазіць пасажыраў стоячы
Кіроўцы двух беларускіх аўтобусаў ехалі ў Літву без дазволаў. Пацярпелі і пасажыры
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў5
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары