МЗС Польшчы прыняў рашэнне павялічыць кошт сваіх візаў. Гэтая мера стане адказам на леташні візавы скандал. Пра гэта міністр замежных спраў Польшчы Радаслаў Сікорскі расказаў у інтэрв'ю выданню Gazeta Wyborcza.
«Я ўжо вырашыў падняць цэны на візы, таму што аказалася, што нашы візы былі аднымі з самых танных у ЕС. Таму нядзіўна, што ахвотныя ў Афрыцы ці Азіі ішлі ў польскае консульства, у нас проста было танней», — патлумачыў рашэнне Сікорскі.
Праўда, ён не ўдакладніў, закране павышэнне візаў усе краіны ці толькі тыя, консульствы якіх былі замяшаныя ў скандале.
У 2023 годзе стала вядома, што польскія консульствы выдавалі візы па карупцыйных схемах, а многія мігранты, якія прыбылі ў Польшчу нібыта для працы, на самай справе маглі выехаць у іншыя краіны ЕС.
Нядаўна па гэтай справе выставілі абвінавачванні былому намесніку міністра замежных спраў Польшчы Пятру Ваўжыку. Тады паведамлялася, што парушэнні ўстаноўленыя ў польскіх дыпламатычных місіях у Ганконгу, на Тайвані, у ААЭ, Індыі, Саудаўскай Аравіі, Сінгапуры, на Філіпінах і ў Катары.
У 2023 годзе у Польшчы не далі часовага ДНЖ амаль 14% заяўнікаў з Беларусі
Мяняюцца правілы выдачы віз для беларусаў з картамі паляка
«Больш за палову майго офіса выкарыстоўвала гэтую візу проста для падарожжаў». Што думаюць айцішнікі пра закрыццё праграмы Poland.Business Harbour
«Не апраўдала надзей». Палякі патлумачылі, чаму прыпынілі візавую праграму Poland. Business Harbour
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары