76-гадовы пенсіянер з Віцебска Барыс Хамайда, вядомы сваёй шматгадовай актыўнай грамадзянскай пазіцыяй, сёння прыйшоў на прызначаны яму суд, але аказалася, што суддзі пра гэта не ў курсе.
«2 лютага 2024 года ў Першамайскім РАУС горада Віцебска на мяне склалі другі пратакол аб адміністратыўным правапарушэнні і ўручылі позву на панядзелак, 5 лютага. Сёння з'явіўся ў суд, але мне паведамілі, што ніякай справы няма. Звярнуўся ў канцылярыю суда, там параілі патэлефанаваць у РАУС і даведацца пра гэтую справу», — апісаў сітуацыю сам Хамайда ў фэйсбуку.
«Не збіраюся рабіць іхнюю працу. Няхай зараз шукаюць мяне. Калі прыйдзем да ўлады — законнасць і парадак забяспечым у адпаведнасці з легітымнай Канстытуцыяй 1994 года», — заявіў актывіст.
Барыса Хамайду затрымалі 23 студзеня падчас масавага хапуна, які ішоў у тыя дні па ўсёй Беларусі. Праз амаль двое сутак, праведзеных у Віцебскім СІЗА, яго выпусцілі на волю да суда, прызначанага на 2 лютага. Першамайскі раённы суд прысудзіў яму 600 рублёў штрафу, але адразу пасля таго пенсіянера завезлі ў РАУС і склалі на яго яшчэ адзін пратакол.
Цяпер чытаюць
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары