Грамадства11

Хлопца з Петрыкава будуць судзіць па дванаццаці палітычных артыкулах. Магчыма, ён нядаўна вярнуўся з-за мяжы

Сярод артыкулаў — «удзел у тэрарыстычнай арганізацыі» і «ўдзел на тэрыторыі іншай дзяржавы ва ўзброеным фарміраванні або ўзброеных канфліктах, ваенных дзеяннях, набор або падрыхтоўка людзей для такога ўдзелу».

Іван Сухамераў. Фота з ягонай старонкі Укантакце

Мужчыну клічуць Іван Сухамераў. Яму 28 гадоў, і ён родам з Петрыкава, райцэнтра ў Гомельскай вобласці. Вучыўся ў Мазырскім дзяржаўным педагагічным універсітэце на сацыяльнага работніка. Пасля жыў у Гомелі.

Іван выказваўся супраць дэкрэта аб дармаедах у 2017-м, а пасля ўварвання Расіі ва Украіну заняў праўкраінскую пазіцыю. У ягоных сацсетках таксама ёсць беларуская нацыянальная сімволіка ды рэпосты розных беларускіх ініцыятываў.

Далей ягоныя сляды губляюцца — сацсеткі хлопца неактыўныя або выдаленыя. На ягонай ужо выдаленай старонцы Укантакце напісана, што хлопец жыў у Варшаве, але іншых сведчанняў пра гэта няма. Адшукаць ягоных знаёмых, якія бачылі яго ў больш-менш нядаўні час, не атрымалася.

Івана затрымалі ў чэрвені 2023-га ў Петрыкаве і прысудзілі суткі за распаўсюд экстрэмісцкіх матэрыялаў. Пасля гэтага, імаверна, яго перавялі ў СІЗА па крымінальнай справе.

Сухамерава пачнуць судзіць 15 лютага па дванаццаці артыкулах крымінальнага кодэкса: «здрада дзяржаве» (ч. 1 арт. 365 КК РБ), «удзел у тэрарыстычнай арганізацыі» (ч. 2 арт. 290-5), «удзел на тэрыторыі іншай дзяржавы ва ўзброеным фарміраванні або ўзброеных канфліктах, ваенных дзеяннях, набор або падрыхтоўка людзей для такога ўдзелу» (ч. 1 арт. 361-3), «дыскрэдытацыя Рэспублікі Беларусь» (арт. 369-1), «удзел у экстрэмісцкім фарміраванні» (ч. 3 арт. 361-1), «садзейнічанне экстрэмісцкай дзейнасці» (ч. 2 арт. 361-4), «паклёп на Лукашэнку» (ч. 2 арт. 367), «фінансаванне экстрэмісцкай дзейнасці» (ч. 1 і ч. 2 арт. 361-2), «заклікі да санкцыяў» (ч. 3 арт. 361) і «здзек з дзяржаўных сімвалаў» (арт. 370). 

Івану пагражае да пятнаццаці гадоў калоніі.

«Наша Нiва» — бастыён беларушчыны

ПАДТРЫМАЦЬ

Каментары1

  • Вытрымкі і мужнасці!
    09.02.2024
    Родным і блізкім жыхара Петрыкава Івана Сухамерава. Трымайцеся! Сіл вам і мужнасці перажыць усё. Ваш Іван - герой, раз рэжым Лукашэнкі яму столькі артыкулаў навесіў. Не слухайце хлусню мянтоў і следакоў, не давайце сябе запужаць. Не вер, не бойся, не прасі.

Цяпер чытаюць

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца41

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца

Усе навіны →
Усе навіны

У кітайскіх рэстаранах замест бараніны і ялавічыны могуць падаваць мяса янотаў і ліс8

Дыягнастычная загадка: пасля аперацыі 17-гадовы падлетак мог гаварыць толькі на замежнай мове5

Беластоцкі эмігрант пахваліў прапагандысцкі фільм «Чужое неба», які нават не глядзеў — за 30 еўра22

Стаў вядомы прысуд мытніку Скубілаву, абвінавачанаму ў «здрадзе дзяржаве»2

У гродзенскім гандлёвым цэнтры лавілі папугая ВІДЭА

У Гродне людзей і катоў тэрарызуюць лісы2

У карпарацыі Stadler расказалі, якая сітуацыя з яе заводам у Беларусі

Былая гомельская суддзя-«кілер» уладкавалася на працу ў «Дабраном»7

Як падаць падатковую дэкларацыю ў Польшчы ці Літве і падтрымаць пры гэтым «Нашу Ніву»4

больш чытаных навін
больш лайканых навін

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца41

20-гадовая ўкраінка знікла ў Дубаі пасля «вечарынкі з шэйхамі». Зараз яна толькі варушыць вуснамі і не можа рухацца

Галоўнае
Усе навіны →

Заўвага:

 

 

 

 

Закрыць Паведаміць