Абавязковы прызыў на ваенную службу ў Латвіі адмянілі ў 2007 годзе. З таго часу ў краіне было толькі прафесійнае войска.
Улады Латвіі вярнулі абавязковую службу ва ўзброеных сілах краіны з-за пагрозы нападу Расіі, заявіў кіраўнік МЗС Крыш'яніс Карыньш, паведамляе The Moscow Times.
«Мы выкарыстоўваем гэта, каб павялічыць памер нашага актыўнага і гатовага [ваеннага] рэзерву», — сказаў Карыньш. Паводле яго слоў, узмацненне абароны павінна даслаць Маскве сігнал, што базы Латвіі і яе еўрапейскіх саюзнікаў прыкрыты.
План краіны складаецца ў тым, каб мець баяздольныя сілы колькасцю да 61 тыс. чалавек, якія будуць падзелены на дзейныя войскі і рэзервовыя часткі.
«Мы павінны быць у такім стане гатоўнасці, каб расійскія генералы і расійскія палітычныя класы ясна бачылі, што рух у Еўропу немагчымы», — растлумачыў кіраўнік МЗС Латвіі.
Зараз армія Латвіі складае 6700 чалавек, 10 тысяч апалчэнцаў і 36 тысяч чалавек знаходзяцца ў запасе.
Цяпер чытаюць
«Стаўленне як да скаціны». Прарасійскі блогер расказаў пра 25 сутак ў ІЧУ3
«Стаўленне як да скаціны». Прарасійскі блогер расказаў пра 25 сутак ў ІЧУ
«Можа, баяўся заставацца ў шлюбе са мной, бо працуе на БТ». Настаўніца, якая з'ехала праз даносы Бондаравай, распавяла пра развод і жыццё ў эміграцыі1515
Каментары