Прэзідэнт Украіны прыбыў у Нямеччыну, дзе сёння пачынаецца Мюнхенская канферэнцыя па бяспецы.
Фота: прэс-служба прэзідэнта Украіны
Яго выступленне адбудзецца заўтра, а ў пятніцу ён, як паведамлялася, правядзе сустрэчы з канцлерам Олафам Шольцам і прэзідэнтам Францыі Эманюэлем Макронам.
«Наперадзе два важныя дні. Запланаваны сустрэчы з партнёрамі ў Германіі і Францыі, новыя дамоўленасці і ўдзел у Мюнхенскай канферэнцыі бяспекі. Новая архітэктура бяспекі Украіны, новыя магчымасці. Робім усё, каб як мага хутчэй скончыць вайну на справядлівых умовах і забяспечыць надзейны мір», — гаворыцца ў заяве Зяленскага ў сацсетцы X.
Каментары