Трамп збіраецца адмяняць санкцыі супраць Расіі, калі яна пойдзе на мір
Прэзідэнт ЗША Дональд Трамп заявіў, што хацеў бы паступова адмяніць санкцыі супраць Расіі, калі будзе дасягнута мірнае пагадненне па Украіне. Пра гэта ён сказаў, адказваючы на пытанне супрацоўніка расійскага агенцтва ТАСС на Паўднёвым лужку Белага дома перад вылетам у Тэхас.
Паводле слоў Трампа, Злучаныя Штаты гатовыя разглядаць змякчэнне або зняцце абмежаванняў у выпадку ўрэгулявання ўкраінскага крызісу. Ён падкрэсліў, што імкнецца як мага хутчэй дабіцца спынення канфлікту і спадзяецца на яго хуткае завяршэнне.
Таксама амерыканскі лідар адзначыў, што размаўляў з прэзідэнтам Расіі Уладзімірам Пуціным і хацеў бы бачыць канец баявых дзеянняў, але не ўдакладніў, ці ішла гаворка пра новы кантакт на найвышэйшым узроўні.
Санкцыі супраць Расіі ЗША пачалі ўводзіць у 2014 годзе пасля далучэння Крыма. З цягам часу абмежаванні неаднаразова пашыраліся і ўзмацняліся. У Маскве лічаць гэтыя меры незаконнымі і заяўляюць, што расійская эканоміка ўжо прыстасавалася да жыцця ва ўмовах шматлікіх санкцый.
Паводле інфармацыі брытанскага выдання The Economist, Расія нібыта прапаноўвала ЗША буйную эканамічную дамоўленасць у абмен на адмену санкцый. Часопіс сцвярджае, што падчас перамоў з’явілася шмат прапаноў, аднак заключыць мірнае пагадненне пакуль не ўдалося. Акрамя таго, паведамляецца, што паралельна з асноўнымі перамовамі прадстаўнікі Крамля і Белага дома абмяркоўвалі і дзелавыя пытанні.
Выданне таксама адзначае, што ў Еўропе ўзрастае занепакоенасць: там не выключаюць, што Дональд Трамп можа падштурхнуць Украіну да істотных саступак дзеля эканамічнай выгады.
Спецпрадстаўнік Пуціна пацвердзіў, што Расія прапануе ЗША за зняцце санкцый здзелку коштам у трыльёны даляраў
The Economist: Крэмль прапанаваў сям'і Трампа за зняцце санкцый долі ў энергетычных актывах
Трамп у размове з Зяленскім сказаў, што хоча, каб вайна скончылася як мага хутчэй, напрыклад, праз месяц
«Вельмі настойліва працуем»: Трамп зрабіў новую заяву пра заканчэнне вайны ва Украіне
Вашынгтон паставіў новую дату завяршэння вайны ва Украіне — Bloomberg
Наш выхад з Данбаса не спыніць Пуціна: Зяленскі назваў чаканні ЗША недальнабачнымі
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары
Дипломатический лимитроф Китая, НЕ МОЖЕТ конкурировать с Китаем, у которого находится дипломатическим лимитрофом!
Осталось пару шагов, чтобы стать геополитическим лимитрофом Китая.
Первый шаг - не желание конкурировать с Россией, становясь на её позиции по Украине, становясь на ту же позицию, на которой находится Россия по отношению к Китаю!