У Белым доме пацвердзілі, што прэзідэнт ЗША Дональд Трамп сачыў за ходам аперацыі супраць Ірана, знаходзячыся ў сваёй рэзідэнцыі Мар-а-Лага ў Фларыдзе. Пра гэта паведаміла прэс-сакратарка Белага дома Кэралайн Левіт.
Паводле слоў прэс-сакратаркі, Трамп назіраў за пачаткам аперацыі, якая для ЗША адбывалася ў начны час, і кансультаваўся з прадстаўнікамі сваёй каманды па нацыянальнай бяспецы. Таксама ён правёў тэлефонную размову з прэм’ер-міністрам Ізраіля Біньямінам Нетаньяху.
Акрамя таго, перад пачаткам амерыканскіх удараў дзяржаўны сакратар Марка Рубіа звязаўся з кіраўніцтвам Кангрэса, каб праінфармаваць іх пра сітуацыю; адзначаецца, што яму ўдалося датэлефанавацца да большасці адрасатаў.
У Белым доме заявілі, што прэзідэнт і яго каманда па нацыянальнай бяспецы працягнуць уважліва сачыць за развіццём падзей на працягу дня.
Раней Трамп абвясціў пра пачатак маштабнай аперацыі супраць Ірана; разам з ЗША ўдары наносіў і Ізраіль. Таксама ён заклікаў іранцаў скарыстаць момант для зменаў у краіне. Іранскія ўдары ў адказ закранулі шэраг дзяржаў рэгіёна, дзе размешчаныя амерыканскія вайсковыя базы.
Іран нанёс удар па міжнародным аэрапорце Кувейта
З'явілася ВІДЭА трапляння іранскага «Шахеда» ў хмарачос у Бахрэйне
У Дубаі абломкі іранскай ракеты ўпалі каля пяцізоркавага гатэля ВІДЭА
Рэзідэнцыя аяталы Хаменэі ляжыць у руінах, што з ім самім — невядома
ЗША і Ізраіль наносяць масіраваныя ракетныя ўдары па Іране
Мама Бажэны Ярэміч, якая рыхтуе прыгажунь для Лукашэнкі, купіла элітны катэдж коштам $837 тысяч25
Каментары