Парламент Латвіі 22 лютага ўвёў забарону на ўвоз сельгаспрадукцыі з Беларусі і Расіі. Пра гэта паведамляе выданне «Прайм» са спасылкай на прэс-службу латвійскага сейма. Латвія ўвяла такую забарону першай з усіх краін Еўрасаюза. Цяпер чакаецца, што ўрад выдасць адпаведную пастанову са спісам канкрэтных тавараў.
Забарона аформленая папраўкай да закона аб сельскай гаспадарцы і развіцці вёскі. Папраўка прадугледжвае абмежаванні на ўвоз сельскагаспадарчай і кармавой прадукцыі з Беларусі і Расіі для спажывання ў Латвіі. Згодна з папраўкамі, беларускую і расійскую сельскагаспадарчую прадукцыю нельга будзе ўвезці ў Латвію і з трэціх краін.
Забарона пакуль што будзе дзейнічаць да лета 2025 года. Яна, праўда, не распаўсюджваецца на сельгаспрадукты, якія вязуць праз Латвію транзітам у іншыя краіны ЕС.
Паводле звестак Мінсельгаса Латвіі, за 10 месяцаў 2023 года Латвія імпартавала сельскагаспадарчай і кармавой прадукцыі з Расіі на 280 млн еўра. Аснову гэтага імпарту (90%) склалі кармы, крупы, бабовыя і рапсавы алей.
У пачатку лютага ў Латвіі фермеры пратэставалі, патрабуючы абмежаваць увоз збожжа з Расіі і Беларусі, а таксама знізіць ПДВ да 5% на латвійскія садавіну, ягады і гародніну.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс26
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі1919
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі19
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары