Parłamient Łatvii 22 lutaha ŭvioŭ zabaronu na ŭvoz sielhaspradukcyi ź Biełarusi i Rasii. Pra heta paviedamlaje vydańnie «Prajm» sa spasyłkaj na pres-słužbu łatvijskaha siejma. Łatvija ŭviała takuju zabaronu pieršaj z usich krain Jeŭrasajuza. Ciapier čakajecca, što ŭrad vydaść adpaviednuju pastanovu sa śpisam kankretnych tavaraŭ.
Zabarona aformlenaja papraŭkaj da zakona ab sielskaj haspadarcy i raźvićci vioski. Papraŭka praduhledžvaje abmiežavańni na ŭvoz sielskahaspadarčaj i karmavoj pradukcyi ź Biełarusi i Rasii dla spažyvańnia ŭ Łatvii. Zhodna z papraŭkami, biełaruskuju i rasijskuju sielskahaspadarčuju pradukcyju nielha budzie ŭvieźci ŭ Łatviju i z trecich krain.
Zabarona pakul što budzie dziejničać da leta 2025 hoda. Jana, praŭda, nie raspaŭsiudžvajecca na sielhaspradukty, jakija viazuć praz Łatviju tranzitam u inšyja krainy ES.
Pavodle źviestak Minsielhasa Łatvii, za 10 miesiacaŭ 2023 hoda Łatvija impartavała sielskahaspadarčaj i karmavoj pradukcyi z Rasii na 280 młn jeŭra. Asnovu hetaha impartu (90%) skłali karmy, krupy, babovyja i rapsavy alej.
U pačatku lutaha ŭ Łatvii fiermiery pratestavali, patrabujučy abmiežavać uvoz zbožža z Rasii i Biełarusi, a taksama źnizić PDV da 5% na łatvijskija sadavinu, jahady i harodninu.
Słova «Unavatuna» značyć «raj». Dzie na Šry-Łancy adpačyvała Mielnikava13
Kamientary