Армія Расіі нанесла ракетны ўдар па Адэсе акурат тады, калі горад наведваў з візітам прэм'ер-міністр Грэцыі Кірыякас Міцатакіс. Пра гэта паведаміла грэчаскае выданне Protothema, піша «Украінская праўда».
Выданне сцвярджае, што мэтай расійскіх войскаў быў картэж прэзідэнта Украіны Уладзіміра Зяленскага. Выбух нібыта адбыўся, калі ён знаходзіўся за 150 метраў ад месцазнаходжання грэчаскай дэлегацыі на чале з прэм'ерам Міцатакісам.
Крыніцы выдання запэўніваюць, што ніхто з грэчаскай дэлегацыі не пацярпеў. «Няма ніякіх праблем з бяспекай прэм'ер-міністра і грэчаскай дэлегацыі», — заявілі афіцыйныя ўрадавыя крыніцы. «Мы ўсе ў парадку», — сказаў раней у каментары выданню дзяржаўны міністр Грэцыі Стаўрас Папастаўру.
Магутны выбух у Адэсе адбыўся незадоўга да сустрэчы прэм'ер-міністра Грэцыі з прэзідэнтам Украіны. У рэгіёне адразу ж была абвешчаная паветраная трывога.
Раней Зяленскі абмеркаваў з Міцатакісам абаронныя патрэбы Украіны. Перад гэтым грэчаскія СМІ паведамілі, што ўлады краіны распарадзіліся падрыхтаваць да перадачы Украіне пакет абсталявання і ўзбраення, якое больш не выкарыстоўваецца ўзброенымі сіламі Грэцыі.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць11
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары