Armija Rasii naniesła rakietny ŭdar pa Adesie akurat tady, kali horad naviedvaŭ ź vizitam premjer-ministr Hrecyi Kiryjakas Micatakis. Pra heta paviedamiła hrečaskaje vydańnie Protothema, piša «Ukrainskaja praŭda».
Vydańnie śćviardžaje, što metaj rasijskich vojskaŭ byŭ kartež prezidenta Ukrainy Uładzimira Zialenskaha. Vybuch nibyta adbyŭsia, kali jon znachodziŭsia za 150 mietraŭ ad miescaznachodžańnia hrečaskaj delehacyi na čale z premjeram Micatakisam.
Krynicy vydańnia zapeŭnivajuć, što nichto z hrečaskaj delehacyi nie paciarpieŭ. «Niama nijakich prablem ź biaśpiekaj premjer-ministra i hrečaskaj delehacyi», — zajavili aficyjnyja ŭradavyja krynicy. «My ŭsie ŭ paradku», — skazaŭ raniej u kamientary vydańniu dziaržaŭny ministr Hrecyi Staŭras Papastaŭru.
Mahutny vybuch u Adesie adbyŭsia niezadoŭha da sustrečy premjer-ministra Hrecyi z prezidentam Ukrainy. U rehijonie adrazu ž była abvieščanaja pavietranaja tryvoha.
Raniej Zialenski abmierkavaŭ ź Micatakisam abaronnyja patreby Ukrainy. Pierad hetym hrečaskija ŚMI paviedamili, što ŭłady krainy rasparadzilisia padrychtavać da pieradačy Ukrainie pakiet abstalavańnia i ŭzbrajeńnia, jakoje bolš nie vykarystoŭvajecca ŭzbrojenymi siłami Hrecyi.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam11
Kamientary