Міжнародная тэнісная федэрацыя (ITF) на афіцыйным сайце паведаміла пра прыняцце рашэння, згодна з якім спартоўцам з Беларусі і Расіі, якія задавальняюць крытэрыям нейтральнасці, не стануць чыніцца перашкоды для выступу на Алімпіядзе.
«МАК дазваляе атлетам з пашпартамі Беларусі і Расіі ўдзельнічаць у сусветных спаборніцтвах, і пазіцыя ITF па гэтым пытанні супадае з меркаваннем большасці міжнародных федэрацый. Нейтральныя атлеты павінны будуць толькі адпавядаць крытэрыям адбору на Алімпійскія гульні», — гаворыцца ў рэлізе ITF.
Такім чынам, беларусы могуць разлічваць на заваёванне ліцэнзій на роўных падставах з любымі канкурэнтамі. Умовы ж кваліфікацыі на Алімпіяду наступныя: на момант своеасаблівай «замаразкі» сусветнага рэйтынгу неабходна знаходзіцца ў топ-56 у мужчынскім і жаночым адзіночным разрадах.
Арына Сабаленка цяпер другая ракетка свету, а Вікторыя Азаранка — 30-я. Іншыя ж беларускія тэнісісткі, а тым больш тэнісісты і так ні на што не прэтэндуюць — іхнія месцы далёкія.
Адзіны раз, калі беларусы бралі медалі ў тэнісе на Алімпіядзе, гэта быў Лондан-2012. Тады Вікторыя Азаранка ў адзіночным разрадзе ўзяла бронзу, а ў міксце разам з Максімам Мірным выйгралі золата.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары