Польскае грамадскае тэлебачанне TVP адказала на пытанні «Радыё Свабода» пра прычыны звальнення Агнешкі Рамашэўскай-Гузы і будучыню тэлеканала «Белсат».
«Кіраўніцтва Польскага тэлебачання, якое ліквідуецца (фармальны юрыдычны статус — РС), падзякавала ёй за шматгадовае супрацоўніцтва. Абавязкі Рамашэўскай-Гузы прыме яе цяперашні намеснік і адзін з заснавальнікаў каналу Аляксей Дзікавіцкі», — гаворыцца ў адказе прэс-службы TVP.
Там дадалі, што змены звязаныя з працай над новай мадэллю замежных каналаў TVP, якія фінансуюцца Міністэрствам замежных спраў.
«За апошнія гады бюджэт «Белсата» павялічыўся з 30 мільёнаў злотых у 2018 годзе да 90 мільёнаў злотых, запланаваных на 2024 год. Павелічэнне фінансавання было звязана, між іншым, з планамі аддзяліць канал ад структур TVP, што палегчыла б атрыманне знешніх сродкаў», — гаворыцца ў адказе.
TVP тлумачыць, што гэты працэс не быў праведзены ў жыццё. Міністэрства замежных спраў не зацвердзіла фінансаванне на гэты год у запланаваным тэлебачаннем аб’ёме.
«Каналам будзе кіраваць беларус, што таксама адпавядае чаканням беларускай апазіцыі. Аляксей Дзікавіцкі добра ведае каманду і, што немалаважна, разумее неабходнасць супрацоўніцтва з іншымі каналамі грамадскага тэлебачання», — адзначаецца ў адказе TVP.
Чытайце таксама:
Дырэктарку «Белсата» звольнілі пасля 17 гадоў працы
Дырэктарка «Белсата» патлумачыла, што азначае скарачэнне фінансавання тэлеканала
Цяпер чытаюць
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым8
Вызвалены палітвязень Мікіта Емяльянаў, якога арыштавалі яшчэ ў 2019 годзе, 19‑гадовым
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Пра каго
гаворка? Гэта ж розныя групы, ад больш ці менш прабеларускіх (пазнякоўцы, ціханоўцы-кабінет) да прарасейскіх
(напрыклад цапкалаўцы і бабарыканцы). Апошні ж толькі рады, што скарачаецца чарговы беларускі "русофобски" праект.