Палітзняволеная Шарэнда-Панасюк у эфіры БТ: Мая краіна самая лепшая
Паліну Шарэнда-Панасюк знялі ў прапагандысцкім фільме на «Беларусь 1». Здымачную групу прыслалі ў Рэчыцу ў жаночую калонію для рэцыдывістак. Тут і ўтрымліваюць палітзняволеную ва ўмовах, прызнаных катаваннем.
Яна ўжо даўно адбыла прызначанае ёй пакаранне за «абразу Лукашэнкі» і «гвалт у адносінах міліцыянера», але ёй дадаюць год за годам за «непадпарадкаванне адміністрацыі калоніі».
Чарговы тэрмін Паліны Шарэнда-Панасюк сканчаецца 21 мая 2024 года. Магчыма, удзел у прапагандысцкай праграме і з’яўляецца ўмовай вызвалення і спынення катаванняў.
Аналізаваць словы закладніцы не мае сэнсу.
Пазітыўны момант у існуючых абставінах — магчымасць для сям’і ўбачыць Паліну ўпершыню за доўгі час. А яна змагла пабачыць некалькі секунд відэа з дзецьмі і мужам, якое ёй са свайго мабільніка паказала журналістка БТ.
Звернем увагу толькі на адзін дыялог. «Вы называеце сябе беларускай, патрыёткай?», — спыталася прапагандыстка. «Так», — адказала Паліна. «А ў чым заключаецца ваш патрыятызм?» — У тым, што мая краіна самая лепшая», — з усмешкай стала Паліна
«Краіна ў якіх межах?» — паспрабавала яе справакаваць журналістка.
«Для мяне ў тых, у якіх ёсць», — адказала Паліна. «То-бок калі Брэст [аддаць] Польшчы…» — зноў пачала прапагандыстка. Паліна Шарэнда-Панасюк не адказала ёй нічога.
-
Насупраць ЗАГСа Савецкага раёна Мінска адкрылася тэматычная зона адпачынку «Шлях да шчасця»
-
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА
-
Расіяніну, які п'яным пабіўся з ахоўнікамі мінскага метро, вынеслі прысуд
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»37
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Астатняе - неістотна.