У Гродне на продаж выставілі рэдкі самазвал IFA «Мультыкар 25» 1984 года. Грузавічок-цацка родам з ГДР можа перавозіць вагу да 3 тон. Гродзенец, якому ён зараз належыць, цалкам перабраў і аднавіў рэтра-грузавік да стану новага, піша Hrodna Life.
Прабег у 40-гадовага аўто — зусім невялікі, усяго 35,8 тыс. км. Падрыхтаваная маса машыны (з кіроўцам, але без грузу) — 1750 кг. На самазвале ўсталяваны дызельны рухавік «Мэрсэдэс» ОМ 616, аб’ёмам 2/4 л. Гэта дазваляе машыне разганяцца да 70 км/г замест завадскіх 60 км/г.
Самазвал з ГДР, адноўлены ў Гродне. Крыніца: «Куфар»
Цяпер машына выстаўленая на продаж. Цана — 25 563 рублёў ($ 7 900).
Грузавік-легенда з ГДР
З усіх аўтамабільных кампаній ГДР, Multicar, заснаваная ў 1920 годзе — адзіная, якая працягвае сваю дзейнасць і дагэтуль пасля аб’яднання Нямеччыны. Мадэль, выстаўленая на продаж, — самая масавая за ўвесь час існавання завода. Яе выпускалі з 1978 да 1992 года. У СССР было пастаўлена каля 20 000 адзінак гэтай мадэлі. Цяпер у Беларусі машына сустракаецца рэдка, асабліва ў працоўным стане.
Гродзенец Сяргей, які набыў рэтрагрузавік для працы на вёсцы, аднавіў яго пасля 10 гадоў прастою, піша NewGrodno. Ён цалкам перабраў падвеску, адпескаструіў і пафарбаваў раму, аднавіў кузаў самазвала, пафарбаваў кабіну і перашыў салон. Таксама ён замяніў у машыне оптыку — яна ад УАЗа.
Самазвал з ГДР, адноўлены ў Гродне. Крыніца: NewGrodno
«Мультыкар», хоць і вельмі манеўраны, валодае ўсімі характарыстыкамі паўнавартаснага грузавога аўтамабіля. Для кіравання ім спатрэбіцца пасведчанне кіроўцы катэгорыі «C».
«Жонка, вядома, не ў захапленні». Берасцеец купіў савецкі ЛАЗ-699Р за тысячу даляраў, а ўклаў ужо 10 тысяч
Беларус зрабіў самы хуткі дызельны BMW
«Рэшту доўгу так і не вярнулі». Ці варта прадаваць машыну сваякам ці сябрам?
«Цалкам адноўлены арыгінальнымі запчасткамі, якія старанна збіраліся па ўсім свеце». Якія рэтрааўтамабілі можна купіць у Беларусі?
Цяпер чытаюць
Гродзенскага падлетка адправілі ў школу ў Літву — ён вывучыў літоўскую і цяпер перакладае ў Еўрапарламенце. Перакладаў ён і Ціханоўскіх6
Каментары
🚚 Акукішэць, канешне! На параўнальна вялізнай «Газэлі» можна перавозіць у сярэднім паўтары тоны, то бок амаль у два разы меней, чым на гэтым малым. І я чуў ня раз, што ламаліся «Газэлькі», трышчэлі лясорамі ад таго, што шо́фер хацеў заробіць болей і дазваляў суваць у будку шмат цяжкога даброцьця.
🦽 Ды й амаль раўня «Мультыкару» «Хёндэ Портар» без сумневу адкіне канькі, то бок колы, ад трох тонаў грузу. Такім чынам тутака, што немцу добра, то расейцу й карэйцу сьмерць.