Выпускнікам яшчэ двух ліцэяў дазволілі паступаць у свае ВНУ без экзаменаў
Выпускнікі ліцэяў Беларускага нацыянальнага тэхнічнага ўніверсітэта і Віцебскага дзяржаўнага ўніверсітэта імя Машэрава ў выпадку выдатнай паспяховасці змогуць паступаць у свае ВНУ без выпрабаванняў. Пра гэта журналістам паведаміў начальнік Галоўнага ўпраўлення прафесійнай адукацыі Міністэрства адукацыі Сяргей Пішчоў, піша БелТА.
«Крыху пашыраныя магчымасці паступлення выпускнікоў ліцэяў пры ўстановах вышэйшай адукацыі. Калі летась паступаць у свае альма-матэр пры выдатнай паспяховасці без экзаменаў маглі выпускнікі ліцэя БДУ, ліцэя Беларуска-Расійскага ўніверсітэта і ліцэя Палескага дзяржаўнага ўніверсітэта, то сёлета ў гэты пералік дададзеныя ліцэй Віцебскага дзяржаўнага ўніверсітэта імя Машэрава і Беларускага нацыянальнага тэхнічнага ўніверсітэта», — расказаў Сяргей Пішчоў.
Ён нагадаў, што ўмовы для гэтага засталіся ранейшыя:
«Паступаць выпускнікі гэтых ліцэяў у свае ВНУ могуць у выпадку, калі ў іх у дакуменце аб адукацыі маюцца адзнакі не ніжэй за 8, а па вучэбных прадметах, якія адпавядаюць профільным прадметам уступных выпрабаванняў — не ніжэй за 9. Гэтыя ўмовы неабходна вытрымліваць», — падкрэсліў прадстаўнік Мінадукацыі.
Чытайце таксама:
Выпускнікам профільных класаў дазволілі паступаць на адпаведныя спецыяльнасці без экзаменаў
Экс-дырэктар Ліцэя БДУ пра наданне імя Дзяржынскага: Духу ліцэя там ужо няма
Што вядома пра дырэктарку Ліцэя БДУ, якая прапанавала пераназваць яго ў імя Фелікса Дзяржынскага
Каментары