Разам з ёй у спіс трапіў стваральнік чат-бота ChatGPT Сэм Альтман.
Амерыканская спявачка Тэйлар Свіфт упершыню ўвайшла ў рэйтынг мільярдэраў, складзены часопісам Forbes. Свіфт зарабіла агулам 1,1 млрд даляраў, Альтман — $1 млрд, піша Бі-бі-сі.
Першае месца ў спісе з $233 млрд зноў заняў французскі бізнэсовец Бернар Арно, якому разам з сям'ёй належыць холдынг LVMH (Louis Vuitton Moët Hennessy), які аб'ядноўвае вытворцаў прадметаў раскошы.
Другое месца заняў заснавальнік Tesla, Space X і ўладальнік сацсеткі X Ілан Маск ($195 млрд), трэцяе — заснавальнік Amazon Джэф Безас ($194 млрд).
На чацвёртым месцы размясціўся кіраўнік карпарацыі Meta Марк Цукерберг ($177 млрд), які мае $116 млрд за кошт росту акцый кампаніі. Пяцёрку замыкае адзін з заснавальнікаў Oracle Лары Элісан ($141 млрд).
Паводле звестак Forbes, у 2024 годзе колькасць мільярдэраў у свеце дасягне рэкорднай лічбы — 2 781.
Гэта на 141 больш, чым летась, і на 26 больш, чым у 2021 годзе, калі быў усталяваны папярэдні рэкорд.
Forbes адзначае, што сусветная эліта багатая як ніколі — у яе агулам $14,2 трлн.
Са спісу па выніках мінулага года выбылі 189 чалавек, у тым ліку 129 — з Кітая.
Акрамя таго, памерлі яшчэ 32 мільярдэры, у тым ліку егіпецкі бізнэсовец Махамед аль-Фаед, былы прэм'ер-міністр Італіі Сільвіа Берлусконі, экс-прэзідэнт Чылі Себасцьян Піньера і спявак Джымі Бафет.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай5
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары