Да такой высновы прыйшлі на МАЗе. Але гэта не адзіная прычына.
Фота: МНС Саратаў
Прычыны частых загаранняў аўтобусаў МАЗ расследавала камісія пад кіраўніцтвам віцэ-прэм'ера Пятра Пархомчыка. Санкцыянаваў службовую праверку асабіста Аляксандр Лукашэнка, даведаўся Belpol.
Па выніках расследавання камісія вылучыла некалькі прычын самазагаранняў аўтобусаў:
- вымушанае ўнясенне канструктыўных змяненняў з прычыны накладзеных міжнародных санкцый, у тым ліку замена першапачаткова запраектаваных рухавікоў Mersedes на кітайскія рухавікі «Weichai» з іншым размяшчэннем выпускнога калектара;
- няякасны мантаж электраабсталявання пры зборцы аўтобусаў;
- нізкая эфектыўнасць сістэмы пажаратушэння «Эпатас» расійскай вытворчасці, якой аўтобусы абсталёўваліся па патрабаванні замоўцы.
У выніку, па даных Belpol, спецыялістам МАЗ прыйшлося дапрацаваць каля 700 аўтобусаў, пастаўленых як на ўнутраны рынак, так і на экспарт у Расію.
Беларускія аўтобусы пачалі гарэць на маршрутах у Расіі з канца 2022 года, зафіксаваны не менш чым дзясятак выпадкаў. У Санкт-Пецярбургу аўтобусы МАЗ нават здымалі з маршрутаў, аднак адмянілі рашэнне пасля асабістага ўмяшання Лукашэнкі.
Цяпер чытаюць
Пальчыс, Андрэева, Лойка і іншыя імёны — пасля візіту амерыканскіх дыпламатаў у Мінск вызвалілі партыю палітвязняў5
Каментары
А кітайскія рухавікі, рэле і праводка з кітайскіх правадоў сталі прычынай пажараў.
Кітайскія правады для праводкі з танейшай жылай і медзь там неякасная, як і ўсё кітайскае.