Da takoj vysnovy pryjšli na MAZie. Ale heta nie adzinaja pryčyna.
Fota: MNS Sarataŭ
Pryčyny častych zaharańniaŭ aŭtobusaŭ MAZ rasśledavała kamisija pad kiraŭnictvam vice-premjera Piatra Parchomčyka. Sankcyjanavaŭ słužbovuju pravierku asabista Alaksandr Łukašenka, daviedaŭsia Belpol.
Pa vynikach rasśledavańnia kamisija vyłučyła niekalki pryčyn samazaharańniaŭ aŭtobusaŭ:
- vymušanaje ŭniasieńnie kanstruktyŭnych źmianieńniaŭ z pryčyny nakładzienych mižnarodnych sankcyj, u tym liku zamiena pieršapačatkova zaprajektavanych ruchavikoŭ Mersedes na kitajskija ruchaviki «Weichai» ź inšym raźmiaščeńniem vypusknoha kalektara;
- niajakasny mantaž elektraabstalavańnia pry zborcy aŭtobusaŭ;
- nizkaja efiektyŭnaść sistemy pažaratušeńnia «Epatas» rasijskaj vytvorčaści, jakoj aŭtobusy abstaloŭvalisia pa patrabavańni zamoŭcy.
U vyniku, pa danych Belpol, śpiecyjalistam MAZ pryjšłosia dapracavać kala 700 aŭtobusaŭ, pastaŭlenych jak na ŭnutrany rynak, tak i na ekspart u Rasiju.
Biełaruskija aŭtobusy pačali hareć na maršrutach u Rasii z kanca 2022 hoda, zafiksavany nie mienš čym dziasiatak vypadkaŭ. U Sankt-Pieciarburhu aŭtobusy MAZ navat zdymali z maršrutaŭ, adnak admianili rašeńnie paśla asabistaha ŭmiašańnia Łukašenki.
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca44
Kamientary
A kitajskija ruchaviki, rele i pravodka z kitajskich pravadoŭ stali pryčynaj pažaraŭ.
Kitajskija pravady dla pravodki z taniejšaj žyłaj i miedź tam niejakasnaja, jak i ŭsio kitajskaje.