Летась беларуска была ў ліку самых высокааплатных спартсменак свету.
Беларуская тэнісістка Арына Сабаленка ўключана ў спіс самых перспектыўных еўрапейскіх лідараў да 30 гадоў. Актуальны штогадовы спіс прадставіў часопіс Forbes.
25-гадовая другая ракетка свету трапіла ў раздзел «Спорт і гульні».
У 2023 годзе Сабаленка стала шостай у спісе самых высокааплатных спартсменак свету — беларуска зарабіла 14,7 мільёна долараў.
Forbes адзначае, што Сабаленка прыцягвае спонсараў, нягледзячы на праблемы, з якім сутыкаюцца беларускія і расійскія спартоўцы пасля пачатку буйнамаштабнай вайны ва Украіне.
Так, тэнісістка супрацоўнічае з Nike, Whoop і Wilson Sporting Goods, а таксама заключыла партнёрскія пагадненні з мексіканскім брэндам Maestro Dobel Tequila і амерыканскай кампаніяй Leaf Trading Cards, якая выпускае спартыўныя карткі. Акрамя таго, беларуска актыўна інвестуе. Таксама летась Сабаленка з'явілася ў дакументальным фільме Netflix.
Пры складанні рэйтынгу Forbes улічвае тысячы матэрыялаў пра герояў, а таксама меркаванні экспертаў. Кандыдатаў ацэньвалі па розных крытэрыях, у тым ліку па памеры актываў, даходах, маштабе асобы і ўплыву.
Сабаленка — экс-першая ракетка свету, двухразовая чэмпіёнка Адкрытага чэмпіянату Аўстраліі ў адзіночным разрадзе. За кар'еру яна зарабіла амаль 23 мільёны долараў прызавых.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць4040
Каментары