Выбарчая камісія дазволіла ўдзельнічаць у выбарах у Каардынацыйную раду 12-ці спісам кандыдатаў, паведаміла прэс-служба Каардынацыйнай рады.
Да выбараў дапусцілі наступныя спісы:
1. «Салідарнасць» — 21 чалавек на чале з прадстаўніком групы хрысціянскіх дэмакратаў Георгіем Дзмітруком і в. а. старшыні партыі «Народная грамада» Яўгенам Вільскім.
2. «Воля» — 20 чалавек на чале з намеснікам камандзіра Палка імя Кастуся Каліноўскага Вадзімам Кабанчуком.
3. «Еўрапейскі выбар» — 34 чалавекі на чале з палітычным дарадцам Святланы Ціханоўскай Аляксандрам Дабравольскім.
4. «Наша справа» — 14 чалавек на чале з палітолагам Розай Турарбекавай.
5. «Закон і правапарадак» — 20 чалавек на чале з кіраўніком арганізацыі ByPol Аляксандрам Азаравым.
6. «Голас дыяспар — адзінства па-над межамі» — 13 чалавек на чале з лідаркай беларускай дыяспары ў Сан-Францыска Надзеяй Нортан.
7. «Незалежныя беларусы» — 17 чалавек на чале з відэаблогерам Максімам Шабуцкім.
8. «Блок Пракоп’ева-Ягорава» — 34 чалавекі на чале з былым рэстаратарам Вадзімам Пракоп’евым і цяперашнім кіраўніком Каардынацыйнай рады Андрэем Ягоравым.
9. «Каманда Латушкі і Рух «За свабоду» — 46 чалавек на чале з намеснікам кіраўніка Аб'яднанага пераходнага кабінета Паўлам Латушкам і ягоным намеснікам па кадравых пытаннях, лідарам Руху «За свабоду» Юрасём Губарэвічам.
10. «Хопіць баяцца!» — 14 чалавек на чале з відэаблогеркай Таццянай Мартынавай.
11. «Краіна для жыцця» — 17 чалавек на чале з кіраўніком аднайменнага грамадскага руху Віталем Савюком.
12. «Моладзевы наступ» — 15 чалавек на чале з актывісткай «Моладзевага блока» Лізаветай Пракопчык.
У рэгістрацыі было адмоўлена толькі аднаму спісу — «За годнасць беларусак» на чале з кіраўніком віленскага аддзялення «Руху беларускіх нацыяналістаў» Яраславам Грыгор'евым.
Выбары ў Каардынацыйную раду маюць пачацца 25 траўня і працягнуцца 3 дні — да 23:59 27 траўня. Першае пасяджэнне Каардынацыйнай рады трэцяга склікання запланаванае на 15 чэрвеня.
Каментары