Грамадства1717

Якімі кватэрамі і аўтамабілямі валодае сям'я Эйсмантаў?

У 2014 годзе тэлевядучая Наталля Эйсмант стала прэс-сакратаром Аляксандра Лукашэнкі і адным з набліжаных да палітыкі людзей. Пасля гэтага пайшла ў гару і кар'ера яе мужа Івана — ён стаў старшынёй Белтэлерадыёкампаніі. «Люстэрка» з дапамогай каманды Belpol, якой нерухомасцю і аўто валодала гэта сям'я па стане на сярэдзіну 2021 года.

Іван і Наталля Эйсманты. Скрыншот з відэа «Беларусь 1»

У маі 2018 года Наталля Эйсмант набыла кватэру ў Мінску — у доме № 32 на вуліцы Ратамскай. Тады разам з жыллём былі набытыя два парковачныя месцы. У рэгістрацыйных дакументах гэтая нерухомасць пазначаная як аднапакаёвая, хоць плошча яе даволі вялікая — 108,4 кв. м. Там прапісаныя як Наталля, так і Іван Эйманты.

Дом №32 на вуліцы Ратамскай у Мінску. Фота: Яндэкс.Карты

Гэты дом уваходзіць у жылы комплекс «Алімпік Парк», што побач з вадасховішчам Дразды і заказнікам «Лебядзіны». Тэрыторыя комплексу абгароджаная і знаходзіцца пад відэаназіраннем, там ёсць уласная інфраструктура: аздараўленчы комплекс з басейнам, саунамі, трэнажорнай залай і рэстаранам.

Жыллё там каштуе даволі дорага. Напрыклад, у тым жа доме №32 цяпер прадаецца кватэра меншая, чым у Эйсмантаў — 63,1 кв. м, яна каштуе 794 315 рублёў, ці 245 000 даляраў. Ёсць яшчэ адна кватэра ў гэтым доме, такога ж метражу, але з рамонтам прасцейшым, яе прадаюць за 462 810 рублёў, ці 142 750 даляраў. Самая дарагая кватэра ў «Алімпік парку» прадаецца за 1 604 840 рублёў, ці 495 000 даляраў — чатырохпакаёвая, плошчай 124,2 кв. м.

Дом №16 на вуліцы Каменнагорскай. Фота: realt.by

У 2019 годзе Наталля Эйсмант купіла яшчэ адну кватэру агульнай плошчай 118,4 кв. м. ​​​​Жыллё знаходзіцца ў доме № 16 на вуліцы Каменнагорскай, гэта панэльная дзевяціпавярхоўка, пабудаваная ў 2010 годзе. Па стане на сярэдзіну 2021 года інфармацыі пра зарэгістраваных у кватэры людзей не было.

Цяпер у гэтым доме прадаецца жыллё. Праўда, няма аб'ектаў з такой вялікай плошчай, як у Эйсмант. Самыя вялікія кватэры — гэта трохпакаёўкі на 75-76 «квадратаў», кошт іх пачынаецца ад 290 000 рублёў (каля 90 000 даляраў) і даходзіць да 325 000 рублёў (крыху менш за 100 000 даляраў).

Таксама муж і жонка Эйсманты маюць два ўчасткі ў садовым таварыстве «Тэлесад», гэта побач з вёскай Красны Бор Лагойскага раёна. Да МКАД адсюль — каля 50 км, да гарналыжнага цэнтра «Лагойск» — каля 20 км.

За Наталляй лічыцца ўчастак пад №115, за Іванам — №108, плошча кожнага складае дзевяць сотак. Дарэчы, размешчаны побач участак №109 на сярэдзіну 2021 года быў зарэгістраваны на сястру Івана — Ганну Эйсмант, якая таксама працуе на дзяржаўным тэлебачанні.

Садовае таварыства «Тэлесад», дзе ёсць нерухомасць у Наталлі і Івана Эйсмантаў. Скрыншот з Google Maps

Што тычыцца аўто, то за Наталляй лічыўся красовер BMW X1 2013 года выпуску. Калі прыкінуць кошт мадэлі, улічваючы толькі дату яе выпуску, то такі транспарт цяпер можна купіць прыкладна ад 42 000 рублёў (каля 13 000 даляраў) да 53 000 рублёў (каля 16 500 даляраў). На Іване ж вісіць Citroen 2004 года выпуску. 

Каментары17

  • Хаты ёсць, дзяцей няма
    27.04.2024
    А дзяцей у Эйсмант-Кірсанавай няма? Не дае бог дзяцей нераскаянай удзельніцы банды па забойствы Рамана Бандарэнкі?
  • даведка
    27.04.2024
    Помощники Лукашенко прям-таки соревнуются в том, у кого из них больше всего домов, квартир и автомобилей.
    Сам же Александр Лукашенко, по его признанию, взяток не берёт и никого не крышует, поэтому живёт в роскоши.
  • даведка
    27.04.2024
    Мне больше всего интересно, кому они планируют всё это нажитое непосильным трудом оставить по наследству?

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць