У фінале Кубка Стэнлі згуляюць «Эдмантан» і «Фларыда».
Гэтай ноччу «Эдмантан» на сваёй пляцоўцы перамог у шостым матчы «Далас» 2:1 і выйграў фінал Заходняй канферэнцыі.
Такім чынам, у фінальнай серыі хакейнага Кубка Стэнлі згуляюць «Эдмантан Ойлерз» і «Фларыда Пантэрз».
Адлегласць паміж Санрайзам і Эдмантанам 4089 км, што з'яўляецца рэкордным у гісторыі НХЛ для ўдзельнікаў фіналу Кубка Стэнлі, піша Championat.com.
У 2004 годзе ў фінале гулялі «Калгары» (таксама з Заходняй Канады) і фларыдская «Тампа». Адлегласць паміж гарадамі складае 3686 кіламетраў.
Першы матч фінальнай серыі паміж «Эдмантанам» і «Фларыдай» адбудзецца 9 чэрвеня. Пачатак а 3-й ночы па мінскім часе.
«Эдмантан» прабіўся ў вырашальную серыю плэй-оф другі раз у XXI стагоддзі і ўпершыню за 18 гадоў. Апошні раз «Ойлерз» бралі ўдзел у вырашальнай серыі плэй-оф у 2006 годзе з «Каралінай» (3:4).
Увогуле «Эдмантан» пяць разоў браў Кубак Стэнлі, але ўсё гэта было ў 1980-я, калі за «нафтавікоў» гуляў славуты форвард беларускага паходжання Уэйн Грэцкі.
«Фларыда» ні разу не выйгравала Кубак Стэнлі. Але канадскія клубы апошні раз выйгравалі трафей ажно ў 1993 годзе.
Цяпер чытаюць
«Не хачу чуць «спердаляй да Украіны» толькі таму, што размаўляю з бацькамі па тэлефоне на рускай». Беларусы дзеляцца, чаму вяртаюцца з Польшчы26
Каментары