U finale Kubka Stenli zhulajuć «Edmantan» i «Fłaryda».
Hetaj nočču «Edmantan» na svajoj placoŭcy pieramoh u šostym matčy «Dałas» 2:1 i vyjhraŭ finał Zachodniaj kanfierencyi.
Takim čynam, u finalnaj sieryi chakiejnaha Kubka Stenli zhulajuć «Edmantan Ojlerz» i «Fłaryda Panterz».
Adlehłaść pamiž Sanrajzam i Edmantanam 4089 km, što źjaŭlajecca rekordnym u historyi NCHŁ dla ŭdzielnikaŭ finału Kubka Stenli, piša Championat.com.
U 2004 hodzie ŭ finale hulali «Kałhary» (taksama z Zachodniaj Kanady) i fłarydskaja «Tampa». Adlehłaść pamiž haradami składaje 3686 kiłamietraŭ.
Pieršy matč finalnaj sieryi pamiž «Edmantanam» i «Fłarydaj» adbudziecca 9 červienia. Pačatak a 3-j nočy pa minskim časie.
«Edmantan» prabiŭsia ŭ vyrašalnuju sieryju płej-of druhi raz u XXI stahodździ i ŭpieršyniu za 18 hadoŭ. Apošni raz «Ojlerz» brali ŭdzieł u vyrašalnaj sieryi płej-of u 2006 hodzie z «Karalinaj» (3:4).
Uvohule «Edmantan» piać razoŭ braŭ Kubak Stenli, ale ŭsio heta było ŭ 1980-ja, kali za «naftavikoŭ» hulaŭ słavuty forvard biełaruskaha pachodžańnia Uejn Hrecki.
«Fłaryda» ni razu nie vyjhravała Kubak Stenli. Ale kanadskija kłuby apošni raz vyjhravali trafiej ažno ŭ 1993 hodzie.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ9
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary