Свёнтак трэці раз запар выйграла «Ралан Гарос». Адрыў ад Сабаленкі амаль 4000 балаў
Польская тэнісістка выйграла сёння Адкрыты чэмпіянат Францыі па тэнісе (Ралан Гарос). У фінале яна разбіла італьянку Ясмін Пааліні 6:2, 6:1.
Фота: Thibault Camus / AP
Гульня доўжылася ўсяго адну гадзіну і 5 хвілін.
23-гадовая Свёнтак выйграла «Ралан Гарос» трэці раз запар і чацверты раз у кар'еры.
Арына Сабаленка выбыла ў 1/4 фіналу і страціла 350 рэйтынгавых балаў. Адрыў Свёнтак ад беларускі складзе з панядзелка 3907 балаў.
Больш за тое, Арыну на трэцяе месца ў панядзелак афіцыйна змесціць амерыканка Коры Гаўф.
У фінале мужчынскага турніру заўтра згуляюць Аляксандр Звераў (Германія) — Карлас Алькарас (Іспанія).
Цяпер чытаюць
Сусветная зорка Джэйсан Дэрула заехаў у Беларусь. Прэм’ер Турчын вадзіў яго па Доме ўрада8
Каментары
А вось жаночы тэніс? З аднаго боку гледачоў там ўтрая меней ад мужчынскага тэнісу, зь іншага - рэклямныя кантракты з кабетамі зоркамі фірмы падпісваюць ахоча, бюджэтнае фінансаваньне ў прафэсыяналаў калі і ёсьць, то нязначнае на тле зарокаў, чэмпіянат калгасаў (турнір зборных, здаецца, кубак фэдэрацыяў) і калгаспіада - другаякасныя нецікавыя спаборніцтвы.
І адказ тут ў барацьбе тэнісыстак за роўныя з тэнісыстамі заробкі. Яна палітычная і ня грэбуя нарматыўнымі сродкамі. Пакуль такая барацьба вядзецца і як паспяховей вядзецца - кабечы тэніс хіліцца да палітычнага віду, які выцірае ногі аб гледача. Як несправядлівая барацьба палітычнымі сродкамі за роўныя заробкі спыніцца - жаночы тэніс мае шанец, не, не зраўняцца з мужчынскім (як заробак порнаактора ніколі не дасягне заробкаў порнаакторак), але мець водгук ў глядацкім сэрцы.
Во як