Прапагандыст Ігар Тур па-свойму патлумачыў, чаму Лукашэнка рэпрэсуе нязгодных
Аўтарытарны рэжым інакш не можа, даводзіць Тур.
Прапагандыст АНТ Ігар Тур пераконвае, што прычына рэпрэсій у тым, што пратэстоўцы выйшлі на акцыі з патрабаваннямі да ўлады, а «моцная ўлада не можа дапускаць патрабаванняў да сябе».
«І ўжо тым больш — моцная ўлада ні ў якім разе не павінна выконваць якія-небудзь патрабаванні, нават самыя разумныя і правільныя»,
— піша Тур у сваім тэлеграм-канале.
«Патрабаванні ў рацыянальна аўтарытарнай улады імгненна павінны выклікаць рэпрэсіі ў дачыненні да патрабавальнікаў. І сутнасць — не ў людзях і не ў канкрэтна іх патрабаваннях. А ў захаванні сістэмы, якая пастаянна функцыянуе ў стане эфектыўнага балансу і стабільнасці», — даводзіць прапагандыст.
«Упэўнены, што бывае і так: Лукашэнка хоча дапамагчы і збіраецца адмяніць нейкае рашэнне ўрада, але калі хтосьці пачынае гучна патрабаваць адмены — адмена адмяняецца. Вы проста гэтым «патрабую!» самі сябе пазбаўляеце магчымасці атрымаць тое, што цалкам правільна хочаце атрымаць — і забіраеце ў прэзідэнта інструменты дапамогі вам.
Прасіць. Прапаноўваць. Ініцыяваць. Вас заўсёды пачуюць, вашу пазіцыю заўсёды данясуць — проста не заўсёды з ёй там згодныя», — дадае Тур.
З ім пагаджаецца праўладны канал «Графач» і дадае, што такая ж логіка распаўсюджваецца на патрабаванні выпусціць палітвязняў. Маўляў, чым больш апазіцыя патрабуе вызваліць людзей з турмаў, там менш шанцаў на гэта.
«Гэта слёзы». Тур падлічыў, колькі дзяржава заробіць на канфіскацыі маёмасці беларусаў, якія з'ехалі з краіны
«Далась тебе вот эта Польша, в РБ зарплата больше». Штучны інтэлект напісаў прапагандысцкі хіт
Лукашэнка расказаў, што пад выбары выдаткаваў на прапагандыстаў «немалыя грошы»
«Занадта смелы, занадта дзёрзкі, выдатны стратэг». Прапагандысты пачалі аблізваць новага міністра інфармацыі
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары