Грамадства1515

Гамяльчук пракаціўся з дзяржсцягам, каб падняць патрыятызм. У выніку застаўся без BMW і абвінаваціў ва ўсім Польшчу

Паездка двух чорных аўтамабіляў з чырвона-зялёнымі сцягамі па вуліцах Гомеля атрымала свой працяг. Гісторыю пераказаў «Флагшток».

Скрыншот відэа з тыктоку Karpyxa

Жыхар Гомеля Арцём Карпенка з сябрамі зладзіў гонкі на чорных BMW з чырвона-зялёнымі сцягамі 27 чэрвеня. Відавочцы тады казалі, што ДАІ не адрэагавала на сітуацыю. Аднак гісторыя атрымала працяг.

Карпенка ў тыктоку расказаў аб праблемах, якія ў яго ўзніклі праз жаданне «падняць патрыятызм і дух» і пракаціцца з дзяржсцягамі.

Усё пачалося з паездкі з сябрамі на шашлыкі. Акрамя шашлыкоў, у гандлёвым цэнтры сябры купілі чырвона-зялёныя сцягі і вырашылі пакатацца з імі па горадзе. Падчас паездкі хлопцы высоўваліся з люка са сцягам.

@nashaniva Гамяльчук пракаціўся з дзяржсцягам і застаўся без BMW #беларусь #нашаніва #лукашенко #александрлукашенко #белорусы #гомель ♬ Funny - Gold-Tiger

«Вырашылі паказаць свой лёгкі патрыятызм, як падняць дух людзей, як падняць настрой… Узбадзёрыцца, прыцягнуць увагу», — так расказаў Арцём пра сваю матывацыю.

Ужо праз паўгадзіны, па словах Арцёма, да іх пад'ехаў экіпаж ДПС і стаў выпісваць штрафы: за таніроўку, за тое, што высоўваліся падчас руху, не ўключалі паваротнікі. Штрафы ён назваў «лаяльнымі».

Відэа распаўсюдзілася ў сеціве, яго апублікавалі незалежныя СМІ. Пасля гэтага Карпенку і ягоных сяброў выклікалі ў ДАІ. Хлопцаў аштрафавалі зноў. Арцём не ўдакладніў, па якіх артыкулах.

3 ліпеня Арцёма затрымалі. У цэнтры горада ягоны BMW выхапіў з патоку інспектар ДПС. Гамельчука пасадзілі ў міліцэйскае аўто, інспектар патэлефанаваў начальніку.

«Я яго злавіў», — сказаў інспектар.

«Пасля гэтага ён стаў шукаць, да чаго «дакалупацца». У машыне было сямігадовае дзіця без спецыяльнага ўтрымліваючага прыстасавання, і машына была затаніраваная».

BMW Арцёма ў цэнтры Гомеля. Скрыншот відэа з тыктоку Karpyxa

Неўзабаве пад'ехала машына са старэйшымі міліцыянтамі. Яны пачалі дагляд, адчынілі ўсе дзверы і капот. Даішнікі сказалі Арцёму, што цяпер яны едуць на штрафстаянку.

«Мне пачынаюць усе штрафы выпісваць, мабілу канфіскуюць, кажуць, калі не аплаціш штрафы, мабіла пойдзе ў рахунак дзяржавы…»

Пасля аплаты штрафу Арцём даведаўся, што не зможа забраць аўтамабіль са штрафстаянкі — два ці тры дні будзе праводзіцца экспертыза VIN кода.

Пасля гэтага Арцёма выклікалі ў РАУС.

«Магчымасць перабіцця VIN кода», — паведаміў міліцыянт у РАУС.

Арцём упэўнены, што ўсе ягоныя праблемы праз каментатараў у сацыяльных сетках.

«Вынік — з-за беларускага сцяга, я езджу па ДАІ, РАУС, мая машына стаіць на штрафстаянцы, б**ть, гэта проста смешна. Вырашыў падняць патрыятызм, дух. Але калі я быў таніраваны, людзі падумалі, што мне ўсё можна. Праз тое, што засунуў беларускі сцяг, мне ўжо ўсе законы не пісаныя…» — падзяліўся эмоцыямі Арцём.

Арцём упэўнены, што за каментатарамі стаяць варожыя сілы з-за мяжы:

«Я за Беларусь, я за нашага Лукашэнку, а ўсе каментатары з Польшчы».

Каментары15

  • Як смешна
    07.07.2024
    з дурня
  • Я б яшчэ на суткі закінуў
    07.07.2024
    Выдатна
  • Смык
    07.07.2024
    [Рэд. выдалена]

Цяпер чытаюць

За палітыку асудзілі шматдзетнага бацьку-верніка. Яго жонка памерла два гады таму4

За палітыку асудзілі шматдзетнага бацьку-верніка. Яго жонка памерла два гады таму

Усе навіны →
Усе навіны

Ізраільцянам прыходзяць шпіёнскія паведамленні ад карэспандэнткі АНТ10

Усплёскі заказаў піцы каля Пентагона маглі сведчыць пра будучую атаку на Іран9

Дырэктарка дзіцячага цэнтра, дзе размаўляюць выключна на рускай, абвінавачвае чыноўнікаў і дзяржаўных журналістаў у хлусні27

Гісторыя ў ЕГУ — гэта гістфак вашай мары. Еўрапейскі дыплом з навучаннем на беларускай мове пры інтэнсіўным вывучэнні англійскай. І поўная свабода1

У выніку ўдараў Ізраіля па Іране ліквідаваныя дзевяць вядучых фізікаў-ядзершчыкаў4

Рабаванні, згвалтаванні і нават крадзеж адзення з труны: Мінск крымінальны пры Сталіне2

Зяленскі: Лукашэнка баіцца і перанясе вучэнні далей ад мяжы з Украінай16

Ініцыятыва Maldzis вяртае старадрук Сімяона Полацкага11

Марадона падчас свайго візіту ў Беларусь не захацеў сустракацца з Румасам1

больш чытаных навін
больш лайканых навін

За палітыку асудзілі шматдзетнага бацьку-верніка. Яго жонка памерла два гады таму4

За палітыку асудзілі шматдзетнага бацьку-верніка. Яго жонка памерла два гады таму

Галоўнае
Усе навіны →

Заўвага:

 

 

 

 

Закрыць Паведаміць