Hamialčuk prakaciŭsia ź dziaržściaham, kab padniać patryjatyzm. U vyniku zastaŭsia biez BMW i abvinavaciŭ va ŭsim Polšču
Pajezdka dvuch čornych aŭtamabilaŭ z čyrvona-zialonymi ściahami pa vulicach Homiela atrymała svoj praciah. Historyju pierakazaŭ «Fłahštok».
Žychar Homiela Arciom Karpienka ź siabrami zładziŭ honki na čornych BMW z čyrvona-zialonymi ściahami 27 červienia. Vidavočcy tady kazali, što DAI nie adreahavała na situacyju. Adnak historyja atrymała praciah.
Karpienka ŭ tyktoku raskazaŭ ab prablemach, jakija ŭ jaho ŭźnikli praz žadańnie «padniać patryjatyzm i duch» i prakacicca ź dziaržściahami.
Usio pačałosia z pajezdki ź siabrami na šašłyki. Akramia šašłykoŭ, u handlovym centry siabry kupili čyrvona-zialonyja ściahi i vyrašyli pakatacca ź imi pa horadzie. Padčas pajezdki chłopcy vysoŭvalisia ź luka sa ściaham.
«Vyrašyli pakazać svoj lohki patryjatyzm, jak padniać duch ludziej, jak padniać nastroj… Uzbadziorycca, pryciahnuć uvahu», — tak raskazaŭ Arciom pra svaju matyvacyju.
Užo praz paŭhadziny, pa słovach Arcioma, da ich padjechaŭ ekipaž DPS i staŭ vypisvać štrafy: za taniroŭku, za toje, što vysoŭvalisia padčas ruchu, nie ŭklučali pavarotniki. Štrafy jon nazvaŭ «łajalnymi».
Videa raspaŭsiudziłasia ŭ siecivie, jaho apublikavali niezaležnyja ŚMI. Paśla hetaha Karpienku i jahonych siabroŭ vyklikali ŭ DAI. Chłopcaŭ aštrafavali znoŭ. Arciom nie ŭdakładniŭ, pa jakich artykułach.
3 lipienia Arcioma zatrymali. U centry horada jahony BMW vychapiŭ z patoku inśpiektar DPS. Hamielčuka pasadzili ŭ milicejskaje aŭto, inśpiektar patelefanavaŭ načalniku.
«Ja jaho złaviŭ», — skazaŭ inśpiektar.
«Paśla hetaha jon staŭ šukać, da čaho «dakałupacca». U mašynie było siamihadovaje dzicia bieź śpiecyjalnaha ŭtrymlivajučaha prystasavańnia, i mašyna była zataniravanaja».
Nieŭzabavie padjechała mašyna sa starejšymi milicyjantami. Jany pačali dahlad, adčynili ŭsie dźviery i kapot. Daišniki skazali Arciomu, što ciapier jany jeduć na štrafstajanku.
«Mnie pačynajuć usie štrafy vypisvać, mabiłu kanfiskujuć, kažuć, kali nie apłaciš štrafy, mabiła pojdzie ŭ rachunak dziaržavy…»
Paśla apłaty štrafu Arciom daviedaŭsia, što nie zmoža zabrać aŭtamabil sa štrafstajanki — dva ci try dni budzie pravodzicca ekśpiertyza VIN koda.
Paśla hetaha Arcioma vyklikali ŭ RAUS.
«Mahčymaść pierabićcia VIN koda», — paviedamiŭ milicyjant u RAUS.
Arciom upeŭnieny, što ŭsie jahonyja prablemy praz kamientataraŭ u sacyjalnych sietkach.
«Vynik — z-za biełaruskaha ściaha, ja jezdžu pa DAI, RAUS, maja mašyna staić na štrafstajancy, b**ť, heta prosta śmiešna. Vyrašyŭ padniać patryjatyzm, duch. Ale kali ja byŭ taniravany, ludzi padumali, što mnie ŭsio možna. Praz toje, što zasunuŭ biełaruski ściah, mnie ŭžo ŭsie zakony nie pisanyja…» — padzialiŭsia emocyjami Arciom.
Arciom upeŭnieny, što za kamientatarami stajać varožyja siły z-za miažy:
«Ja za Biełaruś, ja za našaha Łukašenku, a ŭsie kamientatary z Polščy».
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1111
Kamientary