У сераду ў прэзідэнта ЗША Джо Байдэна быў станоўчы вынік тэсту на Covid-19, што сарвала ключавое мерапрыемства перадвыбарнай кампаніі, закліканае заручыцца падтрымкай лацінаамерыканскіх выбаршчыкаў у крытычны момант выбараў, піша CNN.
Са слоў ягонага доктара, у 81-гадовага Байдэна былі лёгкія сімптомы, і ён атрымаў сваю першую дозу супрацьвіруснага прэпарата паксловід.
«Я пачуваюся добра», — заявіў Байдэн журналістам у сераду ў Лас-Вегасе, падняўшы вялікі палец перад пасадкай у самалёт Air Force One, каб накіравацца ў сваю рэзідэнцыю ў Дэлавэры.
Прэзідэнт правядзе там самаізаляцыю ў адпаведнасці з рэкамендацыямі Цэнтра ЗША па кантролі і прафілактыцы захворванняў.
Гэта не першы раз, калі ў Байдэна выяўляюць каранавірус. Упершыню захворванне ў яго выявілі ў ліпені 2022 года.
У пачатку ліпеня гэтага года каранавірусам заразіўся муж віцэ-прэзідэнта ЗША Камалы Харыс Даг Эмхаф. Тэст Харыс паказаў адмоўны вынік. За некалькі дзён да гэтага, 4 ліпеня, муж і жонка прысутнічалі на святкаванні Дня незалежнасці ЗША ў Белым доме і стаялі на балконе побач з Байдэнам і яго жонкай Джыл.
Байдэн назваў адзіную ўмову, пры якой адмовіцца ад прэзідэнцтва
«Ён не можа перамагчы ў бітве з часам». Вядомы акцёр Джордж Клуні заклікаў Байдэна выйсці з прэзідэнцкай гонкі
Байдэн назваў сябе найбольш кваліфікаваным супернікам Трампа, ён не збіраецца пакідаць гонку
Байдэн назваў віцэ-прэзідэнта Харыс Трампам. Той рэзка адрэагаваў
Буйныя донары-дэмакраты збіраюцца замарозіць 90 мільёнаў даляраў унёскаў на кампанію Байдэна
Цяпер чытаюць
Мельнікава крала грамадскія грошы па $2500, пераводзячы на ўласны рахунак15
Каментары