«Ён не можа перамагчы ў бітве з часам». Вядомы акцёр Джордж Клуні заклікаў Байдэна выйсці з прэзідэнцкай гонкі
Акцёр, які з'яўляецца адным з арганізатараў збору сродкаў на выбарчую кампанію прэзідэнта, упэўнены, што калі Дэмакратычная партыя пойдзе на выбары з Джо Байдэнам, то не зможа іх выйграць.
Знакаміты амерыканскі акцёр і адзін з арганізатараў збору сродкаў для Дэмакратычнай партыі Джордж Клуні заклікаў Джо Байдэна выйсці з перадвыбарнай гонкі. Пра гэта ён напісаў у калонцы для New York Times, піша Бі-бі-сі.
Як падкрэсліў акцёр у публікацыі, Джо Байдэн за сваю палітычную кар'еру выйграў вельмі шмат бітваў, аднак ён «не можа перамагчы ў бітве з часам».
Акцёр у публікацыі называе сябе «пажыццёвым дэмакратам» і нагадвае пра тое, што шматкроць удзельнічаў у зборы сродкаў для прэзідэнцкіх кампаній кандыдатаў-дэмакратаў.
Па словах Клуні, ён сустрэўся з Джо Байдэнам тры тыдні таму і зразумеў, што гэты чалавек ужо не падобны да Байдэна 2010 года, і нават на Байдэна 2020 года.
«Гэта быў той жа чалавек, якога мы ўсе бачылі падчас дэбатаў [з Трампам]. Лідары нашай партыі павінны спыніць казаць нам, што 51 мільён чалавек не бачылі таго, што яны на самай справе бачылі», — адзначыў Джордж Клуні.
Па словах акцёра, уся справа ва ўзросце і ні ў чым больш. Ён упэўнены, што калі Дэмакратычная партыя пойдзе на выбары з Джо Байдэнам, то не зможа іх выйграць.
Заява Джорджа Клуні прагучала праз некалькі гадзін пасля таго, як былы спікер Палаты прадстаўнікоў Нэнсі Пэлосі заявіла, што ў Байдэна засталося мала часу, каб вырашыць, ці варта яму заставацца ў прэзідэнцкай гонцы пасля правальных дэбатаў у канцы мінулага месяца.
У эфіры MSNBC, адказваючы на пытанне, ці падтрымлівае яна намер прэзідэнта ЗША пераабрацца, яна адказала: «прэзідэнт сам вырашае, ці будзе ён балатавацца. Мы ўсе заклікаем яго прыняць гэтае рашэнне, бо часу застаецца ўсё менш».
Ціск на 81-гадовага Байдэна з мэтай заахвоціць яго выйсці з перадвыбарнай гонкі ўзмацніўся пасля дэбатаў з Дональдам Трампам, падчас якіх ён выглядаў разгублена і неаднаразова губляў ход думкі (у інтэрв'ю ABC News Байдэн тлумачыў гэта тым, што «быў выматаны» і «адчуваў сябе жудасна»).
Пасля тых дэбатаў некалькі спонсараў Дэмакратычнай партыі публічна папярэдзілі, што спыняць выдзяляць сродкі на кампанію, калі Байдэн не выйдзе з гонкі.
Аднак у панядзелак днём Байдэн правёў тэлефонную размову са спонсарамі Дэмакратычнай партыі і запэўніў іх, што застаецца ў перадвыбарнай гонцы.
Байдэн заявіў, што выйдзе з перадвыбарнай гонкі толькі «па ўказанні Усявышняга»
«Я кірую гэтым светам» — Байдэн
Трамп зноў прапанаваў Байдэну правесці дэбаты ў найбліжэйшыя дні
Пасля правальных тэледэбатаў Джо Байдэн паабяцаў больш спаць і не хадзіць на вячэрнія мерапрыемствы
Белы дом абвергнуў заявы СМІ пра сумневы Байдэна наконт яго абіральнасці
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская7
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары