Марыя Васілевіч расказала, як стала вядучай «Калыханкі». Кажа, гэта не дзеля папулярнасці
Былая «Міс Беларусь» нядаўна знайшла новую працу. Экс-дэпутатка парламента расказала, як атрымала прапанову стаць вядучай «Калыханкі» і якую ролю будзе там граць.
Марыя Васілевіч кажа, што пасля сыходу з Палаты прадстаўнікоў абмяркоўваліся розныя варыянты вяртання на ТБ.
Адна з прапаноў паступіла ад канала «Беларусь 3», піша Sputnik.
«Пасля завяршэння працы ў парламенце абмяркоўваліся розныя варыянты майго вяртання на ТБ, у тым ліку была прапанова і з боку тэлеканала «Беларусь 3». Гэтую праграму я глядзела і сама ў дзяцінстве, таму ўнутраны водгук на прапанову ўзнік адразу. Пасля ўдалых спроб рашэнне было прынята канчаткова», — падзялілася Васілевіч.
Экс-дэпутатка сцвярджае, што не імкнецца стаць папулярнай праз «Калыханку», а хоча «стаць сапраўдным сябрам для дзяцей і даносіць правільныя каштоўнасці».
Ніякага канкрэтнага героя новай вядучай прыдумляць не сталі.
«З прадзюсарамі адразу прыйшлі да высновы, што ніякага героя мне прыдумляць не будзем. Я буду сабой — проста сучаснай дзяўчынай са сваімі інтарэсамі і захапленнямі. Таму фантазіраваць не прыйшлося, з першых секунд адчула сябе арганічна ў кадры, паколькі не раз мела досвед зносін з маленькай аўдыторыяй», — адзначыла Марыя.
Васілевіч кажа, што весці дзіцячую перадачу няпроста, таму што няпроста заваяваць увагу дзяцей. Яна лічыць, што ёй у гэтай справе дапаможа шчырая ўсмешка.
Таксама «Міс Беларусь — 2018» распавяла, што працягвае ўдзельнічаць у дабрачынных праектах і яшчэ раз дадала, што «будзе даносіць да дзяцей правільныя каштоўнасці».
Цяпер чытаюць
Місію дэмакратычных сілаў Беларусі ва Украіне ўзначаліла Вольга Зазулінская2
Місію дэмакратычных сілаў Беларусі ва Украіне ўзначаліла Вольга Зазулінская
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары