У гэтых запечаных у духоўцы чыпсах мала тлушчу, і іх лепш за ўсё апісаць адным словам: смакоцце.
Фота: skinnyms.com / Pinterest
Складнікі:
- 1 кабачок, нарэзаны тонкімі лустачкамі
- 1/3 шклянкі паніровачных сухароў — лепш цэльназерневых
- 1/4 шклянкі дробна нацёртага сыру, найлепш тыпу пармезан (можна нятлустага)
- ¼ чайнай лыжкі чорнага молатага перцу
- соль да смаку
- 1/8 чайнай лыжкі часночнага парашку
- 1/8 чайнай лыжкі вострага перцу
- 3 сталовыя лыжкі нятлустага малака
Як гатаваць:
- Разагрэйце духоўку да 220℃.
- Змяшайце ў невялікай місцы паніровачныя сухары, пармезан, чорны молаты перац, соль, часночны парашок і каенскі перац. Абмакніце лустачкі кабачка ў малако і абкачайце ў паніровачных сухарах, каб яны пакрылі абодва бакі.
- Калі вы выкарыстоўваеце форму для выпечкі, пастаўце яе на бляху. Калі проста на блясе — то злёгку апырскайце яе антыпрыгарным кулінарным спрэем або вышмаруйце алеем. І выкладзіце кабачкі.
- Выпякайце цягам 15 хвілін, перавярніце і працягвайце выпякаць да залацістага колеру, прыкладна 10-15 хвілін (асцярожна, каб не падгарэла). Дайце астыць да пакаёвай тэмпературы, перш чым перакласці ў герметычны кантэйнер. Чыпсы з кабачка стануць больш храбусткія пасля астуджэння.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос24
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары