Намеснік кіраўніка сінадальнага Аддзела па ўзаемаадносінах Царквы і грамадства святар Раман Багдасараў заявіў, што хрысціянам дазволена ўжываць у ежу не ўсе прадукты.
«Некаторыя памыляюцца і думаюць, што калі дзень скаромны, то можна есці ўсё што хочаш. Напрыклад, забаронена есці геннамадыфікаваныя прадукты, якія прыносяць моцную шкоду не толькі самому чалавеку, але і яго нашчадкам. У царкоўнай практыцы закладзена жорсткае правіла, што грэх — гэта тое, што шкодзіць здароўю чалавека», — прыводзіць «Інтэрфакс» словы святара.
На яго думку, у спіс прадуктаў, забароненых для вернікаў, уваходзяць «розныя трансгенныя тлушчы, алкагольныя напоі дрэннай якасці, чыпсы, энергетыкі — усё тое, што ўплывае на здароўе чалавека ў адмоўны бок». Таксама хрысціяніну нельга дзейнічаць на шкоду сабе залішнім вінапіццем або залішнім спажываннем ежы, сцвярджае святар.
Раней Грамадская палата РФ прапанавала ўвесці праваслаўны стандарт прадуктаў і паслуг. З такой ініцыятывай выступіў старшыня камісіі па сацыяльнай палітыцы Уладзімір Слепакоў. Адпаведны ліст быў накіраваны патрыярху. Новая сістэма сертыфікацыі дазволіць пацвердзіць не толькі высокую якасць і бяспеку прадукцыі, але і ацаніць яе станоўчы ўплыў на духоўнае і фізічнае здароўе людзей.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары