У інтэрв'ю японскаму тэлеканалу NHK Уладзімір Зяленскі распавёў пра перспектывы спынення вайны і стасункі з былым прэзідэнтам ЗША Дональдам Трампам.
Зяленскі падкрэсліў, што ён не можа адказваць на заклікі да спынення агню, пакуль Расія працягвае акупаваць украінскую тэрыторыю.
Прэзідэнт Украіны заявіў, што распрацуе план дзеянняў па дасягненні міру да канца лістапада.
«Цярпенне, падтрымка і дыпламатычны ціск — вось тры фактары справядлівага спынення вайны», — сказаў Зяленскі.
Ён дадаў: «Калі ЗША і еўрапейскія краіны захаваюць адзінства, гэта ўзмоцніць ціск і пакажа Маскве, што ў яе няма шанцаў».
Зяленскі расказаў таксама, што яны звязваліся з камандай Трампа.
«Містэр Трамп сказаў мне, што ён гатовы адказаць на любыя пытанні, і што ў мяне ёсць яго нумар тэлефона».
У інтэрв'ю Зяленскі, акрамя гэтага, падкрэсліў важнасць падтрымкі Японіі.
Першага намесніка гендырэктара «Белвеста» пасадзілі на тры з паловай гады за палітыку5
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
І нават японскі тэлеканал гэта ведае і выконвае. Чаму ў вас пры перадачы ўкраінскага імені Валадымыр на беларускую мову першы склад з двух гукаў перадаецца праз адзін галосны [у], якога ў арыгінале ў гэтым імені ўвогуле няма, а цвёрды [д] стае мяккім [дз']?
Можа мог бы стыль-рэдактар патлумачыць падставы для менавіта такой перадачы гэтага імені?
(Дарэчы, падобныя невытлумачальныя метамарфозы адбываюцца ў вас і з іншымі ўкраінскімі імёнамі: Дмытро робіцца "Дзмітрый", Паўло набывае форму "Павел" і г.д).