«Гэты трэк зразумеюць толькі беларусы». Дыджэй ператварыў усім знаёмую мелодыю з прагнозу надвор’я ў тэхна
Атрымаўся сапраўды настальгічны хіт для тусовак.
Запіс з тэхна-рэйва ў начным клубе Modul Art Platform, які знаходзіцца ў будынку па Кастрычніцкай вуліцы, 16, выклалі ў тыктоку. Знаёмую ўсім беларусам інструментальную мелодыю з прагнозу надвор'я на ТБ малады дыджэй Даня ператварыў у трэк, які гайдае натоўп.
Трэк выклікаў усеагульнае захапленне: «Наш беларускі вайб!» Як заўважылі знаўцы, ягоная прыгажосць у прастаце — на мелодыю з прагнозу надвор’я ідэальна лягла прамая бочка.
Відаць, вялікую ролю ва ўспрыманні трэка адыграла настальгія. Многія падзяліліся сваімі ўспамінамі, як пад гэтую мелодыю збіраліся ў дзяцінстве ў школу. «Не думала, што пад яе так каўбасіць можа», — даюцца дзіву беларусы.
У каментарах запатрабавалі апублікаваць гэты шэдэўр цалкам на якой-небудзь платформе. Што і было зроблена. Трэк NPD — Belorusski Utrennik ужо даступны для праслухоўвання на платформе SoundCloud.
Арыгінальная мелодыя была напісаная беларусам Ігарам Сацэвічам, музыкантам з джаз-бэнда Apple Tea. За тое, што яе выкарысталі як тэму папулярнай тэлеперадачы на канале АНТ, аўтар не атрымаў ніякіх аўтарскіх адлічэнняў. Пасля ягоную мелодыю прысвоіў і расійскі Першы канал.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?21
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары