«Не можаш ісці? Паўзі». З'явіліся навіны пра Марыю Калеснікаву, Насту Лойку і іншых палітзняволеных з Гомельскай калоніі
Выданне «Новы час» даведалася ад сваёй крыніцы трывожныя навіны з гомельскай калоніі ПК-4, дзе ўтрымліваюць Марыю Калеснікаву, Насту Лойку і іншых жанчын-палітзняволеных.
З Марыі Калеснікавай «усяляк здзекуюцца»
Крыніца «Новага часу» расказвае, што з кастрычніка мінулага года Марыі Калеснікавай не перадаюць лісты, пры гэтым «рвуць іх» на вачах у палітзняволенай і «ўсяляк здзекуюцца» з яе.
Таксама вядома, што Марыя прасіла пра медыцынскую дапамогу, аднак лекараў да яе «вельмі доўга» не дапускалі. Аднойчы, са словаў крыніцы, жанчыну ўсё ж вадзілі ў медчастку, «аднак незразумела, што ў выніку».
«Калі Марыю Калеснікаву кудысьці вядуць, перакрываюць усю турму, — гаворыць суразмоўца выдання. — Такое адчуванне, нібыта ваеннае становішча».
«Настай Лойкай маніпулююць звесткамі пра тое, ці памёр яе сабака»
Суразмоўца кажа, што супрацоўнікі калоніі маніпулююць любымі чуткамі, плёткамі і асабістымі звесткамі пра зняволеных.
«Зняволенай, мужа якой затрымалі адразу пасля спаткання з ёй, паўтараюць, што гэта яна яго пасадзіла», — расказвае крыніца.
«Яны не збіваюць, але вось гэтыя здзекі — паўсюль. У прыватнасці, да апошняга не кажуць зняволеным, ці будзе ў іх спатканне са сваякамі. Альбо проста пазбаўляюць спаткання».
Гнілая бульба
Суразмоўца кажа, што жанчын у гомельскай калоніі вымушалі разбіраць мяхі з гнілой бульбай. «Яна цалкам гнілая, уся заражаная. І вось такой бульбай зняволеныя харчаваліся недзе з месяц».
Крыніца расказвае, што адна з супрацоўніц калоніі раздавала суп і казала зняволеным: «Я забараняю вам гэта есці».
Лекар кажа: «Не можаш ісці? Паўзі»
«Медыкі ў калоніі — гэта проста пякельныя стварэнні», — кажа суразмоўца.
«У адной са зняволеных моцныя праблемы з ціскам. На пастраенні яна часам губляла прытомнасць. Ёй хацелі даць нейкую таблетку, але ж жанчына нават не магла дайсці да стала з лекамі — уставала і падала, уставала і падала. Тады лекар сказаў абыякава: не можаш ісці? Паўзі».
Іншая зняволеная, кажа крыніца «Новага часу», заразілася ў калоніі каростай.
«Было відавочна, што гэта кароста, але лекары ўпарта казалі, што гэта проста нейкая алергія, бо нібыта жанчына за дзень з'ела 8 марозіваў. Вось такі ўзровень абсурду».
Паліне Шарэндзе-Панасюк зноў «прынеслі» зялёныя яблыкі замест прадуктовай перадачы
Cваякі Алены Гнаўк не атрымліваюць ад яе лістоў
«10 дзён адкормлівалі ў катэджы пад Мінскам». Украінка, якую абмянялі на расійскіх палонных, расказала, як гэта было
Вользе Брыцікавай з «Нафтана» прыдумалі яшчэ тры крымінальныя справы
Цяпер чытаюць
Беларускую мову на ЦТ выбірае ўсё меншая доля выпускнікоў школ. Калі 20 гадоў таму яе здавала амаль палова, цяпер — толькі кожны шосты7
Каментары